მკითხველს გუშინ ვაუწყეთ, რომ ჩემპიონატის ლიდერი "არმია" სლოვენიაში შეკრებაზე გადავიდა. დღეს კიდევ ერთი ქართული კლუბი, "სოხუმი" გაემგზავრება უცხოეთში შეკრებისთვის: ჯერ სტამბოლში ჩაფრინდება, შემდეგ ანთალიაში გადავა. "სოხუმი" ანთალიურ შეკრებაზე 12-კაციანი შემადგენლობით გაემგზავრება. გუნდს გასული სეზონის შემდეგ დააკლდნენ ამერიკელი მაიკ მაქქერი (ამერიკაშია) და ლიტველი პეტრას ბალოჩკა (კარიერას საფრანგეთში გააგრძელებს). სანაცვლოდ სოხუმელთა რიგები შეავსო სტუ-ს ერთ-ერთმა ლიდერმა ზვიად ანთაძემ.
გთავაზობთ სოხუმელთა თორმეტკაციან შემადგენლობას: ზვიად ანთაძე, რიჩარდ დამუსი, კარლ დამუსი, იუჯინ ჰარისი, ლაშა ფარღალავა, ირაკლი სორდია, თემურ კანკია, გიგა კვეტენაძე, ლუკა შანიძე, გელა კოპალიანი,
ანთალიაში ჩასვლიდან პირველ დღეს გუნდი დაბინავებისთვის გამოიყენებს, 5 იანვრიდან კი წვრთნას შეუდგება. კლუბს თურქეთში გაჰყვა ფიზმომზადების მწვრთნელი ვოვა გოლოვინი. შესაბამისად მთავარი მწვრთნელი, ვაჟა კვარაცხელია ანთალიურ შეკრებაზე დიდ დროს დაუთმოს ფიზმომზადებას, რათა იანვრის ბოლოს დაგეგმილ ტურნირებს (ქორქია-საკანდელიძის მემორიალი და საქართველოს თასი) ოპტიმალურ კონდიციებში შეხვდეს.
როგორც "სოხუმის" პრეს-ატაშე თენგიზ პაჭკორაიმ გვითხრა, გუნდი თურქეთში სამ საკონტროლო შეხვედრას ჩაატარებს. 8 იანვარს "კეპერბელსფორს" დაუპირისპირდება, 10 იანავრს - "მურატფაშა ბელეოიესფორს", ხოლო 12-ში - "ბუიუკ შეჰირს".
ყოველდღიური სპორტული გაზეთი
"ლელო"
.
