სუპერლიგის პირველი წრე 29 დეკემბერს დასრულდა და წამყვანი კლუბებიც სატრანსფერო ბაზარზე გამოჩნდნენ. საწყისი 10 მატჩის შემდეგ ყველამ დაინახა, რა შეუძლია და პლეი ოფში წარმატებისთვის რა ცვლილებებია საჭირო. 29 დეკემბერს თსუ "ქუთაისთან" დამარცხდა, მეტოქეს ფარქვეშ სათანადოდ ვერ დაუდგა, რადგან ხელის ტრავმის გამო რიჩარდ მათიაშვილი აკლდა, ხოლო წელმტკივანი ილია ლონდარიძე ბოლომდე ვერ დაიტვირთა.
თსუ-მ "ქუთაისს" ვერც პერიმეტრიდან ტყორცნებში აჯობა. მოკლედ, გუნდს სჭირდებოდა უნივერსალი კალათბურთელი, რომელასც ფარქვეშაც შეუძლია თამაში და სამქულიანების ტყორცნაც კარგად ეხერხება. ასეთებს თსუ-ში სხვადასხვა დროს უთამაშიათ: გიგი ბარბაქაძეს, დათო ბარბაქაძეს,
მიშა გასულ სეზონში "არმიას" ღირსებას იცავდა, საშუალოდ 9 წუთს თამაშობდა. ცხადია, ასეთი დრო პროგრესზე მოფიქრალ კალათბურთელს არ დააკმაყოფილებდა. ეს კარგად იცოდა თსუ-ს მწვრთნელმა, ნუგზარ ჭეიშვილმა და მიხეილ ბერიშვილს სტუდენტთა რიგებში დაბრუნება შესთავაზა.
- პირველი წრის დასრულების შემდეგ სამი გუნდიდან დამიკავშირდნენ, თსუ-დან, "ქუთაისიდან" და "სამედიცინოდან". როცა ქუთათურებმა და "მედიკოსებმა" წინადადება შემომთავაზეს, თსუ-ს წარმომადგენლებთან უკვე მოლაპარაკებული ვიყავი და ამიტომაც უარი ვუთხარი, - აღნიშნა მიხეილ ბერიშვილმა.
- ახალ გუნდთან ვარჯიშს როდიდან შეუდგები?
- პირველ ვარჯიშს 4 იანვარს ჩავატარებ. იმედი მაქვს, თამაშიც საკმარისად მომიწევს და გუნდსაც წარმატების მიღწევაში დავეხმარები.
- თსუ-ში აქამდეც ირჯებოდი.
- უმაღლეს ლიგაში დებიუტი სწორედ თსუ-ში მქონდა: 16 წლისა ვიყავი, როცა მამუკა ტურაშვილმა მიმიწვია. პირველი სეზონი ურიგოდ არ ჩამიტარებია. შემდეგ გუნდში მთავარ მწვრთნელად დავით უსტიაშვილი დაინიშნა, თუმცა მას ნახევარფინალებში ვერ დავეხმარე, რადგან ტრავმირებული ვიყავი. თსუ-დან "ვითაში" გადავედი, შემდეგ "აგრარულში'' ვითამაშე, ხოლო გასული სეზონი ესპანურ "არიდანეში" გავატარე.
- ესპანეთიდან "არმიას" მიაშურე, თუმცა პირველი წრის მერე არმიელებიც დატოვე. რა იყო ამის მიზეზი?
- დრო. სათამაშო დრო. ნებისმიერ კალათბურთელს სურს მატჩში 10-ზე მეტი წუთი ითამაშოს. რაც შეეხება, თავად გუნდს, მასში შესანიშნავი ატმოსფეროა, შემადგენლობაც ძლიერია და ამიტომაცაა სატურნირო ცხრილის სათავეში.
ყოველდღიური სპორტული გაზეთი "ლელო"
.
