ლიტვის დანაკარგი - საბონისი საქართველოსთან ვერ ითამაშებს

2017 წლის ევრობასკეტზე საქართველოს ნაკრების ერთ-ერთმა მეტოქემ - ლიტვის ნაკრებმა NBA-ის ლეგიონერი დაკარგა. კერძოდ, კონტინენტის ჩემპიონატზე ვერ ითამაშებს "ინდიანა პეისერსის" ფორვარდი დომანტას საბონისი. ამის შესახებ Eurohoops წერს.

ამის მიზეზი გახდა ლიტველის ახალი გუნდის "ინდიანას" სურვილი - საბონისმა საკუთარ თამაშზე იმუშაოს და NBA-ის ახალი სეზონისთვის მოემზადოს, ეს კი არ ითვალისწინებს ქვეყნის ნაკრებში გამოსვლას.

გასულ სეზონში საბონისს დებიუტი ჰქონდა NBA-ში. მან "ოკლაჰომას" რიგებში 81 მატჩი ჩაატარა და საშუალოდ, 5.9 ქულა და 3.6 მოხსნა დააგროვა. სეზონის დასრულების შემდეგ, ლიტველი გაცვლის შედეგად, "ოკლაჰომადან" "ინდიანაში" გადავიდა.

(იბეჭდება მცირე ცვლილებით)
ყოველდღიური სპორტული გაზეთი "ლელო"