საქართველოს ნაკრების მეტოქეები - რუსეთმა ლიტვას აჯობა

თურქეთში დაწყებულ საერთაშორისო ტურნირზე პირველი მატჩები გაიმართა. გერმანიამ სერბეთს 59:58 მოუგო, თუმც ჩვენ მეორე მატჩი უფრო გვაინტერესებს, რომელშიც მასპინძელ თურქეთს ევრობასკეტზე საქართველოს ნაკრების მომავალი მეტოქე უკრაინა დაუპირისპირდა.

უკრაინელებმა ჩინებულად ითამაშეს და ვარსკვლავებით სავსე თურქეთს ღირსეული წინააღმდეგობა გაუწიეს. თურქების შემადგენლობაში თამაშობდნენ NBA-ს ვარსკვლავი ჰიდაიეთ თურქოღლუ, "მილუოკი ბაქსის" ერთ-ერთი ლიდერი ერსან ელიასოვა, გასულ დრაფტზე მეორე ნომრად არჩეული ენეს კანტერი და სხვა ცნობილი მოთამაშეები: ომერ ონანი, ქერემ თუნჩერი, ენდერ არსლანი...

სწორედ ასეთ თურქეთთან არ წააგეს უკრაინელებმა ძირითად დროში. შეხვედრა ფრედ დასრულდა. ოვერტაიმში მასპინძლებმა საბოლოოდ გატეხეს უკრაინელები და 69:65 გაიმარჯვეს. უკრაინის ნაკრებში ქულები ასე განაწილდა: ბურტი (15), პუსტოზვონოვი (6), პეჩეროვი (20), კრავცოვი (8), ლუკაშოვი (7), კოზლოვი (2), ფესენკო (7). ითამაშეს და უქულოდ დარჩნენ: ზაბირჩენკო, კოლჩენკო, სალტოვეცი, ლიშჩუკი, აგაფონოვი.

***
ევროპის ჩემპიონატზე საქართველოს ნაკრების ჯგუფში მყოფმა რუსეთმაც ამხანაგურად ითამაშა. ანდრეი კირილენკოსა და ტიმოფეი მოზგოვის დახმარებით რუსებმა მოსკოვში ავტობუსით ჩასული ლიტველები დამაჯერებლად - 91:76 დაამარცხეს.

რუსეთი: კირილენკო (17ქ, 7მ), მოზგოვი (18ქ, 6მ), ფრიდზონი (14ქ), პონკრაშოვი (12ქ), მონია (8ქ), ანტონოვი (8ქ), ბიკოვი (6ქ), ხვოსტოვი (3ქ), ვორონოვი (3ქ), შაბალკინი (2ქ), შვედი, ვორონცევიჩი, ჟუკანენკო.

ყოველდღიური სპორტული გაზეთი "ლელო"