ჰოლანდიური ტურნირის მსვლელობისას იქაურმა ჟურნალისტებმა ზაზა ფაჩულიას ინტერვიუ ჩაწერეს. აი, რა უთხრა ჩვენი ნაკრების კაპიტანმა ნიდერლანდელებს:- საქართველოს ნაკრებში თამაში ჩემთვის ყოველთვის ბევრს ნიშნავდა და ახლაც ასეა. მითუმეტეს, წლეულს ქვეყნის ღირსების დაცვა ევროპის ჩემპიონატზე მომიწევს. შესაბამისად, ნაკრებთან ერთად ევრობასკეტისთვის სერიოზულად ვემზადები.
- რა სხვაობაა "ატლანტაში" თამაშსა ნაკრებში გამოსვლას შორის?
- სხვაობა ნამდვილად არის. ძალებს არც "ატლანტა ჰოქსში" ვიშურებ. თუმცა საქართველოს ნაკრებში სხვა ფუნქცია მაქვს - გუნდის კაპიტანი ვარ და დიდი პასუხისმგებლობა მაკისრია. იმასაც ვაცნობიერებ, რომ ჩვენს უკან მთელი საქართველოა. თითოეული
- ივლისში იყო ლაპარაკი, თითქოს "ბეშიქთაშში" უნდა გადასულიყავი.
- ამ გუნდთან ჩემი აგენტი აწარმოებდა მოლაპარაკებებს. თითქოს ყველაფერზე შევთანხმდით, კონტრაქტის გაფორმებას დეტალები აკლდა, მაგრამ საბოლოოდ ტრანსფერი არ შედგა. გამოგიტყდებით, მოვლენების დაჩქარება არც მიცდია, რადგან ჯერაც NBA-ს გუნდს ვეკუთვნი და ამერიკაში ვაპირებ თამაშს. ატლანტა ჩემი სახლია და კონტრაქტის მიხედვით "ჰოქსში" კიდევ ორი წელი მაქვს სათამაშო. "ბეშიქთაშში" იმ შემთხვევაში ვითამაშებდი, თუ NBA-ში ლოკაუტი გამოცხადდებოდა. ახლა საკლუბო საკითხებზე ნაკლებად ვფიქრობ, რადგა საქართველოს ნაკრებთან ერთად ევრობასკეტისთვის ვემზადები.
- თუ ამერიკაში გაფიცვა, ვთქვათ, ნოემბრამდე გაგრძელდა, ევროპაში არ ითამაშებ?
- მქონდა წინადადებები სხვადასხვა კლუბებიდან. თუმცა სადღეისოდ კონკრეტული არაფერია. თუ NBA-ში ლოკაუტი დიდი ხნით გაგრძელდა, ევროპაში სიამოვნებით დავრჩები. ადრეც ვთქვი, რომ უპირატესობას თურქულ კლუბებს მივანიჭებ. რადგან ამ ქვეყანაში არაერთი წელი ვითამაშე, ბევრი მეგობარი და გულშემატკივარი შევიძინე.
ყოველდღიური სპორტული გაზეთი "ლელო"
