საქართველოს ახალგაზრდულ ნაკრებში უცხოეთში მოთამაშე ორი კალათბურთელი იყო - მერაბ ბოქოლიშვილი ("აველინი", იტალია) და თორნიკე შენგელია ("პეპინსტერი", ბელგია). ლეგიონერთა რიგებს დუდა სანაძეც შეუერთდა, რომელიც მომავალ სეზონში ლიტვის "ჟალგირისში" ითამაშებს.ცხადია, 19 წლის სანაძე პირველივე წელს უმაღლესი ლიგის გუნდში ვერ მოხვდება, ითამაშებს "ჟალგირისის" ახალგაზრდებში და მომავალი წინსვლაც მასზე იქნება დამოკიდებული.
- "ჟალგირისში" გადასვლა გადაწყვეტილია. საქართველოს ახალგაზრდულ ნაკრებთან ერთად B დივიზიონის მატჩების დასრულებიდან რამდენიმე დღეში ლიტვაში გავემგზავრები. ამ ქვეყნის ვიზა და ყველა საჭირო საბუთი მოწესრიგებული მაქვს.
- "ჟალგირისის" ხელმძღვანელობა როგორ დააინტერესე?
-
- რა ინფორმაცია გაქვს, როგორი გუნდია ახალგაზრდული "ჟალგირისი"?
- ახლახან, ლიტვის 19-წლამდელთა ნაკრებმა მსოფლიო ჩემპიონატი მოიგო. იმ გუნდიდან რამდენიმე კალათბურთელი ჩემი თანაკლუბელი იქნება. კონკურენცია სერიოზული უნდა იყოს, თუმცა ყველაფრისვის მზად ვარ. ლიტვის დუბლების ჩემპიონატშიც ვითამაშებთ და, როგორც თქვეს, საერთაშორისო შეჯიბრებაშიც...
- ახლა, საქართველოს ახალგაზრდულ ნაკრებზე ვთქვათ. B დივიზიონში თქვენს მეტოქეებს რამდენად კარაგდ იცნობთ?
- ჩვენი ჯგუფის ერთ-ერთი ფავორიტი პოლონეთის ნაკრები იქნება. პოლონელთა სწორედ იმ შემადგენლობასთან მოგვიწევს დაპირისპირება, რომელმაც შარშან 18-წლამდე ევროპის ჩემპიონატის საგზური მოიპოვა.
- ზოგიერთ ამჟამინდელ მოწინააღმდეგეს შარშანაც დაუპირისპირდით.
- ვიცნობთ ესტონეთის ნაკრებს, რომელანაც ნათამაშები გვაქვს. იგივე შეიძლება ითქვას რუმინელებზე. ისინი შარშან დავამარცხეთ, თუმცა, ურიგო გუნდი არ იყო და არც წლეულს გველის იოლი გასეირნება. შვეიცარიასაც კარგი თაობა ჰყავს.
- რისი იმედი უნდა გვქონდეს ევროპის ჩემპიონატის შესარჩევ ტურნირზე ახალგაზრდული ნაკრებისგან?
- შეკრული გუნდი გვყავს. ერთმანეთის კარგად გვესმის. ძალას არ დავიშურებთ მაქსიმუმის მისაღწევად.
ყოველდღიური სპორტული გაზეთი "ლელო"
