საქართველოს ახალგაზრდული ნაკრების ბომბარდირი დუდა სანაძე (1992 წელსაა დაბადებული, 196 სმ სიმაღლისაა) ამჟამად ამერიკაში, სან დიეგოს კოლეჯში სწავლობს და სასწავლებლის საკალათბურთო გუნდში ვარჯიშობს. ჯერ ვერ თამაშობს, რადგან ლიცენზია არ აქვს.მართალია, დუდას სათამაშო პრაქტიკა აკლია, მაგრამ გუნდთან ერთადაც აქტიურად ემზადება და ინდივიდუალური მწვრთნელიც ჰყავს.
განსაკუთრებით, ფიზმომზადებას აქცევს ყურადღებას, რაც ევროპაში დაბრუნების შემდეგ აუცილებლად გამოადგება.
საიტმა Europeanprospects.com-მა გამოაქვეყნა ინტერვიუ სანაძესთან, რომლის თარგმანსაც ქვემოთ გთავაზობთ.
- რატომ გადაწყვიტე ამერიკის კოლეჯის გუნდში გადასვლა?
- ვფიქრობ, ამერიკაში პროგრესირების საშუალება მექნება და აქ მიღებული გამოცდილება
- ყველაზე მეტად რომელი კომპონენტის გაუმჯობესებაზე მუშაობ?
- უფრო ფიზმომზადებაზე. ასევე ვვარჯიშობ სისწრაფეზე, დაცვაზე, ტყორცნაზე და კიდევ არაერთ დეტალზე. ვფიქრობ, მათი დახვეწა ევროპაში დაბრუნების შემდეგ სათანადო შედეგს გამოიღებს.
- "სან დიეგოს" მაისურით ჯერ ერთი ოფიციალური მატჩიც არ გითამაშია...
- რადგან გუნდის ახალწვეული ვარ, ამავე დროს ევროპაში ბევრი პროფესიონალური მატჩი მაქვს ჩატარებული, ამერიკაში ჩამოსვლიდან პირველივე წელს თამაშის უფლება არ მაქვს. ამაზე არ ვღელავ, ვემზადები და მომავალი სეზონიდან ვითამაშებ კიდეც.
- სასწავლებელში რა სპეციალობას ეუფლები?
- ბიზნესს ვსწავლობ, რომელსაც არაერთი განხრა აქვს და მეტად სანტერესოა.
- 4 წლის შემდეგ სად იქნება დუდა სანაძე?
- მინდა გავუმჯობესდე როგორც დაცვის, ასევე შეტევის კუთხით და კალათბურთი კარგ პროფესიონალურ გუნდში ვითამაშო.
- "სან დიეგოში" კიდევ სამი ევროპელია: ჰოლანდიელი ჯიტო კოკი და ბერძენი ჯონ სინისი ახლახან ჩამოვიდნენ, გერმანელი დენის კრამერი კი ამერიკაშია გაზრდილი. რა სხვაობას ხედავ აქაურ და ევროპულ კალათბურთს შორის?
- მოთამაშეებს მაინც ეტყობათ ევროპული სტილი, მაგრამ ამერიკულ კალათბურთსაც იოლად აუღეს ალღო. სხვადასხვა კუთხით გუნდისთვის ყველა სასარგებლოა.
ყოველდღიური სპორტული გაზეთი "ლელო"
