ვიქტორ სანიკიძის "სიენამ" იტალიის სერია A-ს მორიგი ტური წააგო. სიენელები მილანში "არმანი ჯინსს" შეხვდნენ და დაძაბულ ბრძოლაში - 68:72 დამარცხდნენ.სანიკიძე სათადარიგო იყო და მოედანზე მხოლოდ 16 წუთი იმყოფებოდა. ქართველმა ფორვარდმა 2-დან 2 ორქულიანი ჩააგდო, თითო სამიანი და საჯარიმო კი ააცილა. 4 ქულას სანიკიძემ 5 მოხსნა და 2 ჩაჭრაც მოაყოლა. სიენელთაგან საუკეთესო, ტრადიციულად, ბობი ბრაუნი გახდა, რომელმაც 34 წუთში 24 ქულა მოინაგრა.
მატჩის ბოლო წუთებზე მასპინძლები 65:60-ს იგებდნენ, თუმცა სიენელებმა გათანაბრება (65:65) მოახერხეს. გადამწყვეტ მომენტში მილანელებმა მეტი სიმტკიცე გამოავლინეს და
ამ წაგების შემდეგ "სიენა" ცხრილში მესამე ადგილზე კი დარჩა, მაგრამ სანიკიძის გუნდს "რომა" წამოეწია.
ორივე გუნდს 14 მოგება და 7 მარცხი აქვს. მომდევნო ტურში, 11 მარტს, "სიენა" სწორედ "რომას" უმასპინძლებს.
საბერძნეთის ჩემპიონატში არ ითამაშა გიორგი შერმადინმა, რომელსაც, სავარაუდოდ, ტრავმა აწუხებს.
ქართველი ცენტრის "ოლიმპიაკოსმა" სტუმრად "კავალა" 94:76 გაანადგურა და ამ მატჩის განაცხადში შერმადინი არ ყოფილა.
gbf.ge
