ნიკა ცქიტიშვილი, რაც ლიბანში თამაშობს, არაერთი შთამბეჭდავი შედეგი დაუფიქსირებია, თუმცა ამჯერად პირადი რეკორდი მიითვალა. ლიბანის ჩემპიონატის მორიგ ტურში, რომელშიც "ჩემპვილმა" "მუტაჰედს" უმასპინძლა და 76:67 მოუგო, ცქიტიშვილმა 21 მოხსნა მოიხვეჭა, რითაც თავისი გუნდის გამარჯვებაში ლომის წვლილი შეიტანა.
ცქიტიშვილმა შეუცვლელად - 40 წუთი ითამაშა და 21 მოხსნასთან ერთად 12 ქულა და 1 პასი მიითვალა.
ქართველმა ფორვარდმა 7-დან 4 ორქულიანი და 4-დან 4 საჯარიმო ჩააგდო. ჩემპვილელთა შემადგენლობაში 33 ქულით ბომბარდირი ფადი ხატაბი გახდა.
მომდევნო მატჩს "ჩემპვილი" 17 მარტს, სტუმრად "ალ რიადთან" გამართავს.
gbf.ge
