უკრაინის ჩემპიონატის რეგულარულ ეტაპზე 2 აპრილს ბოლო ორი შეხვედრა გაიმართა. პირველში "ოდესა" "ხიმიკს" ესტუმრა და 85:70 გაიმარჯვა, მეორეში გიორგი ცინცაძის "ბუდიველნიკი" დონეცკში ჩავიდა და 69:80 დათმო.
მესამე პერიოდის შემდეგ ცინცაძის თანაგუნდელები 59:56-ს იგებდნენ, მაგრამ მეოთხე რაუნდში "დონეცკის" მოძალებას ვერ გაუძლეს და ბოლო ათწუთეულში 10:24 დათმეს.
ვერ ვიტყვით, რომ ეს გიორგის გამორჩეული მატჩთაგანი იყო. მან თამაშიდან 8-ჯერ სტყორცნა და მხოლოდ ერთი ორქულიანი გამოიყენა. გიორგის მონაგარი ასეთი იყო: 27 წუთი, 6 ქულა, 3 მოხსნა, 3 პასი, 1 ჩაჭრა.
"დონეცკის" მოგება ალოგიკური ნამდვილად
ეს უკანასკნელი სეზონის დასაწყისში თბილისის "არმიაში" თამაშობდა და "დონეცკში" დორონ პერკინსი შეცვალა.
მილეიჯი შეხვედრის ბომბარდირი გახდა - 21 ქულა ჩააგდო.
"ბუდიველნიკმა" რეგულარული ჩემპიონატი პირველ ადგილზე დაასრულა (28 მოგება, 11 წაგება) და მეოთხედფინალში მერვეადგილოსან "ჰოვერლას" შეხვდება. სერიის პირველი შეხვედრა კიევში 8 აპრილს გაიმართება.
ყოველდღიური სპორტული გაზეთი "ლელო"
