"ბრინდისისთან" "კანტუმ" 85:62 მოიგო. მანუს არ უთამაშია. ქართველი უკანახაზელის ტრავმა იმდენად მსუბუქი არ აღმოჩნდა, როგორც თავიდან ეგონათ: "კანტუს" ოფიციალურ საიტზე მოკლე ინფორმაცია გამოქვეყნდა, რომლის თანახმად, ექიმებმა მანუჩარს ცერის მოტეხილობა დაუდგინეს. იქვე ვკითხულობთ: ამ კვირაში
***
ერთთვიანი შესვენების შემედგ მოედანს დაუბრუნდა იტალიის ჩემპიონატში მოთამაშე მეორე ქართველი - ვიქტორ სანიკიძე (კოჭის ტრავმა ჰქონდა). მისმა "ვირტუსმა" ევროლიგის წარმომადგენელ "მილანს" უმასპინძლა და პირველი მეოთხედი დამაჯერებლად ჩაატარა - 19:9. მატჩის დასაწყისში თანაგუნდელებს 3 ქულა სანიკიძემ შეაშველა.
მეორე პერიოდიდან მილანელებმა თამაში გამოასწორეს და მეოთხე პერიოდის წინ ტაბლოზე საყაიმო ანგარიში დააფიქსირეს - 56:56. ბოლო რაუნდში ბოლონიელთა დაცვა "ძველი საქათმის კარივით" მოირყა, "მილანმა" 38 ქულა ჩააგდო და 94:81 მოიგო.
ვიქტორმა 17 წუთი ითამაშა და სროლის სიზუსტითაც გამოირჩა: 8 ქულა (2-დან 1 ორქულიანი, 2-დან 2 სამიანი), 3 მოხსნა. "ვირტუსის" მაისურით ყველაზე მეტი უინსტონმა ჩააგდო - 18 ქულა. "მილანის" შეტევის ლიდერი კი მანჩინელი იყო - 21 ქულა.
იტალიის ჩემპიონატის სატურნირო ცხრილში ერთმანეთს კიდევ უფრო დაშორდნენ "კანტუ" და "ვირტუსი". პირველს 10 ტურის შემდეგ 7 მოგება აქვს, ხოლო მეორემ შეხვედრათა ნახევარში გიმარჯვა (5). "კანტუ" მესამე პოზიციაზეა, "ვირტუსი" - მეცხრეზე.
***
ნიკა მეტრეველის "რიმინიმ" სტუმრად "ასიგეკოსთან" დაძაბულ ბრძოლაში წააგო - 78:81. ქართველმა ფორვარდმა 6 წუთი ითამაშა, 2 ქულა (1-დან 1 ორქულიანი) და 3 მოხსნა მოაგროვა. მისი თამაში ლიგის ოფიციალურ საიტზე 6 ბალითაა შეფასებული: "მეტრეველი თამაშში აქტიურად ჩაერთო. ერთი ორქულიანი იმ დროს ჩააგდო, როცა "რიმინის" ძალიან სჭირდებოდა".
თუმცა ნიკას ორი ქულა მის გუნდს გამარჯვებისთვის არ ეყო. სადღეისოდ "რიმინი" "ლეგადუეს" სატურნირო ცხრილში მეექვსე ადგილზეა.
