შენგელიას ტრავმის მიღების შემდეგ, ჩვენი გუნდის სხვა წამყვანი კალათბურთელებისგან უფრო შედეგიანი თამაშის მოლოდინში ვიყავით. თუმცა, თავიდანვე ცხადი გახლდათ, რომ მოკლე სათადარიგოთა სკამის გათვალისწინებით კაპიტნის გამოკლება, მით უმეტეს ასეთ მეტოქესთან და თანაც გასვლაზე, აუნაზღაურებელ დანაკლისს წარმოადგენდა და გამარჯვების შანსები შეგვიმცირდა. თორნიკემ შეხვედრის დაწყების წინ თანაგუნდელებს უთხრა, რომ სანერვიულო არაფერი ჰქონდათ, მეტოქეს უნდა ენერვიულა, ვინაიდან სახლში წნეხის ქვეშ იმყოფებოდნენ, თუ ერთმანეთისათვის იბრძოლებდნენ, ყველაფერი კარგად იქნებოდა და მეტადრე დაცვაში კარგად მოქმედება სჭირდებოდათ.
ზუროსმა პარკეტზე შემდეგი სასტარტო ხუთეული გაიყვანა: მაკფადენი, ცინცაძე, მამუკელაშვილი, ბითაძე, შერმადინი. დებიუტში 7:0 გავიჭერით წინ და ვიზავის მწვრთნელმა უმალ წუთშესვენება აიღო, რის შემდეგაც ანგარიში გაათანაბრეს, მერე წინ გავიდნენ, ძალიან ლამაზი და საინტერესო თამაში წავიდა და პირველი მეოთხედი 19:25 დავთმეთ.
მეორე პერიოდი საქართველოს ნაკრებმა 11-ქულიანი გაქცევით დაიწყო, თუმცა იტალიამ ისევ მოახერხა დაწინაურება, მოხსნებში გვჯაბნიდნენ, სამქულიანებსაც უკეთ ისროდნენ და პირველი ტაიმი 43:38 დასრულდა.
გასაოცარი ფაქტია, ჩვენმა გუნდმა დიდი შესვენების შემდეგაც მოახერხა გაქცევა, თან 12 ქულით. ჩინებულად ირჯებოდა ბითაძე. სამწუხაროდ, მეოთხე პერსონალური მიიღო მამუკელაშვილმა და ზუროსმა მოედნიდან გაიყვანა. შემდეგ კვლავ შეძლეს მასპინძლებმა წინ გაჭრა, ნერვების თამაში და ქულა ქულაში წავიდა და მესამე მეოთხედი 66:66 დასრულდა.
დასკვნითი მეოთხედის დასაწყისში მოწინააღმდეგის ლიდერმა გალინარიმ ტრავმა მიიღო, დარბაზი სამედიცინო პერსონალის დახმარებით დატოვა, იტალიელებმა ოთხი სამქულიანი ჩაგვიგდეს, მაკფადენმა ზედიზედ ორი სამიანით უპასუხა, ანგარიში გაათანაბრა, თუმცა, საბოლოოდ მაინც წავაგეთ.
ბითაძემ 19 ქულა ჩააგდო (პლუს 13 მოხსნა), მაკფადენმა 16, შერმადინმა 12, სანაძემ 11, ცინცაძემ 8 (11 პასი), მამუკელაშვილმა 8, ჯინჭარაძემ 5, ბურჯანაძემ 3, ბექაურმა კი 2. მატჩის ყველაზე შედეგიანი მოთამაშე 21 ქულით ფონტეკიო გახდა და MVP-ც სარგებლიანობის 26-იანი კოეფიციენტით. გალინარიმ 17 ქულა მიითვალა, სპისუმ 15, მელიმ 12, ხოლო დატომემ 9.
შემდეგ შეხვედრას საქართველოს ნაკრები ევრობასკეტზე 1-ელ სექტემბერს თბილისში ბელგიასთან გამართავს.
"თოკო, ძალიან გვიყვარხარ" - ამ მატჩს შენთვის ვითამაშებთ
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
მიიღო შენგელიამ ტრავმა და დაჭირდა ახლა თურმე. ამხანაგურში ათამაშე, მიიღოს ის ტონუსი.
- მოკლედ- ფარის მოგება, როგორც მეტოქის, ისე თავისთავად საკუთარის, რისი შესაძლებლობაც არსებობს და მინიმუმ 12 3-ნი გვჭირდება ყოველ თამაშში (5 მაკდაფენი,2-2 მაინც ცინცაძე, სანაძე, ანდრონიკაშვილი...) და ყველა გუნდათ გვაქვს მოგების შანსი.
ბითაძე და მამუკელაშვილმა ასეთი შეცდომები არ უნდა დაუშვან,მით უმეტეს გადამწყვეტ მომენტებში შეცდომები არ უნდა დაუშვა.