30 დეკემბერს, ლიგა ენდესას მე-14 ტურში "რეალთან" საკუთარ მოედანზე წაგებული მატჩისას (74:91) "ბასკონიას" კაპიტანმა თორნიკე შენგელიამ ტრავმა მიიღო.
შენგელია მესამე პერიოდში სწრაფი კონტრშეტევისას ფაკუნდო კამპასოსთან შეჯახების შემდეგ წაიქცა, მუხლის ტრავმა მიიღო და თამაშის გაგრძელება ვერ შეძლო.
შენგელიამ 15:21 წუთში 10 ქულა ჩააგდო (2-დან 1 ორქულიანი, 1-დან 0 სამქულიანი, 8-დან 8 საჯარიმო), 5-ჯერ მოხსნა ბურთი და მისი სარგებლიანობის კოეფიციენტი 18 იყო.
საქართველოს ნაკრების ნატურალიზებულმა კალათბურთელმა მეტ ჯენინგმა 25:07 წუთში 7 ქულა შესძინა თავის გუნდს (3-დან 2 ორქულიანი, 4-დან 1 სამქულიანი, 1-დან 0 საჯარიმო), 5-ჯერ მოხსნა ბურთი და 2 შედეგიანი გადაცემა გააკეთა.
ამ თამაშს ვიტორიაში 15 544 მაყურებელი დაესწრო და ეს ესპანეთის ჩემპიონატის რეკორდია.
"ბასკონია" 10 მოგებით სატურნირო ცხრილში მე-3 ადგილზეა.
![alt](/pictures/image50/eb74775372c55865b35b9aa04873df9b.jpg ""რეალმა" შენგელიას და ჯენინგის "ბასკონიას" ადვილად სძლია")
ნიღბიანმა თორნიკე შენგელიამ მოსკოვში ფარი ჩამოამსხვრია [VIDEO]
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
