ამერიკის სტუდენტურ ლიგაში სადებიუტო მატჩში ვილი ისიანმა სამი სამქულიანი ჩააგდო

AutoSharing Option
ამერიკის სტუდენტურ ლიგაში ვილი ისიანის დებიუტი შედგა. 21 წლის ქართველი ფორვარდი ჰორაიზონ ლიგის (NCAA I) გუნდ "დეტროიტ მერსი ტიტანსის" წევრია, თუმცა ლიგის რეგულაციების გამო მას აქამდე თამაში აკრძალული ჰქონდა. უნივერსიტეტის გამოცვლის შემთხვევაში სტუდენტურ ლიგაში მკაცრი წესებია და ისიანის აკრძალვაც ამით იყო განპირობებული.

ისიანის დებიუტი ერთის მხრივ წარმატებული იყო და მეორეს მხრივ უიღბლო. მისი გუნდი ჰორაიზონ ლიგის ჩემპიონატის მე-4 მატჩში (მანამდე სამივე შეხვედრა მოგებული ჰქონდა) "ჩრდილო კენტუკის" ხვდებოდა. ქართველი ფორვარდი მატჩში სათადარიგოთა სკამიდან ჩაერთო და თამაშის მე-14 წუთზე მოედანზე დაცემისას თავი
დაარტყა. ის შეცვალეს და მიუხედავად იმისა, რომ სერიოზულად არაფერი დაშავებია, მწვრთნელებმა პარკეტზე აღარ დააბრუნეს.

იმ 11 წუთში, რაც მოედანზე იყო, ვილი საკმაოდ პროდუქტიულად გაისარჯა. ქართველმა ფორვარდმა 5-დან 3 სამქულიანი ჩააგდო და 9 ქულასთან ერთად 1 ჩაჭრა მოაგროვა. მიუხედავად მისი სიმაღლისა (204 სმ), ისიანი პერიმეტრიდან თამაშობდა და საკმაოდ წარმატებითაც. მისი 3 სამქულიანის წყალობით დეტროიტელები მხოლოდ 4-6 ქულით აგებდნენ, თუმცა შემდეგ, დიდი სხვაობით ჩამორჩნენ და საბოლოოდ უშანსოდ - 73:95 წააგეს.

3 მოგებითა და 1 მარცხით "დეტროიტ ტიტანსი" 10-გუნდიან ჰორაიზონ ლიგაში 2-4 ადგილებს "ოკლენდთან" და "ჩრდილო კენტუკისთან" იყოფს, ხოლო ლიდერი დაუმარცხებელი "გრინ ბეია". 5-10 ადგილებზე კი გუნდები შემდეგი თანმიმდევრობით არიან განლაგებულნი: "რაით სტეიტი", IUPUI, "ილინოის-ჩიკაგო", "მილუოკი", "იანგსთაუნ სტეიტი" და "კლივლენდ სტეიტი".

შემდეგ მატჩს "დეტროიტ ტიტანსი" 12 იანვარს, შინაურ არენაზე, ჰორაიზონ ლიგის ერთადერთ დაუმარცხებელ გუნდ "გრინ ბეისთან" გამართავს.

altმამუკელაშვილმა 11 ქულა ჩააგდო - "სეტონ ჰოლმა" ზედიზედ მეშვიდედ მოიგო


მომზადებულია GBF.GE-ის მიხედვით.

ტეგები:
მკითხველის კომენტარები / 1 /
ამ ისიანებს ვილი რატომ ქვიათ ყველას
nodarichi123
14:38 06-01-2019
0

სიახლეები პოპულარული