თორნიკე შენგელიამ ტრავმა მოირჩინა და VTB ლიგაზე ტალინში "კალევთან" ითამაშა.
ცსკა-მ სენსაციური მარცხი განიცადა (56:67) და მიმდინარე ტურნირზე პირველად წააგო.
კლუბის საიტი აღნიშნავს, რომ მართალია, დამარცხდნენ, თუმცა, სამაგიეროდ, თოკო დაუბრუნდათ.
შენგელიამ 24:25 წუთში 7 ქულა (4-დან 1 ორქულიანი, 2-დან 0 სამქულიანი, 10-დან 5 საჯარიმო), 5 მოხსნა, 4 პასი, 1 ჩაჭრა და 2 დაფარება მიითვალა, მისი მარგი ქმედების კოეფიციენტი კი 6 იყო.
ცსკა 5 ტურის შემდეგ 4 მოგებით "უნიკსთან" ერთად ლიდერია და ყაზანურ გუნდს 7 ნოემბერს შეხვდება, ხოლო იქამდე, 4 ნოემბერს, ევროლიგაზე
"ფენერბაჰჩეს" უმასპინძლებს.
შენგელიას ნავარაუდევი ორი თვის ნაცვლად 20 დღე გაუცდა და 26 ნოემბერს საქართველოს ნაკრებს მსოფლიოს ჩემპიონატის შესარჩევ ეტაპზე უკრაინასთან საშინაო მატჩში დაეხმარება.
თორნიკე შენგელიას ტრავმა სერიოზული აღმოჩნდა
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
