კარლოს ტევესი, რომელსაც "მანჩესტერ სიტიში" სერიოზული პრობლემები აქვს, არგენტინის ნაკრების შემადგენლობიდანაც ამოაგდეს. არგენტინას ბოლივიასა და კოლუმბიასთან ელის მუნდიალის საკვალიფიკაციო მატჩები. ნაკრების თავკაცმა ალეხანდრო საბელიამ ტევესის ორი თანაგუნდელი, პაბლო საბალეტა და სერხიო აგუერო მიიწვია, აი, კარლოსი კი - არა. სხვათა შორის, ნაკრებში ვენესუელასთან მარცხში მონაწილე ფეხბურთელთა მთელი ჯგუფი ვერ მოხვდა (გუტიერესი, ოტამენდი, ალვარესი, სალვიო, პარეხა, ინსუა, რინაუდო და პალასიო).
მეკარეები: სერხიო რომერო (სამპდორია), მარიანო ანდუხარი (კატანია).
მცველები: მარტინ დემიკელისი (მალაგა), ნიკოლას ბურდისო (რომა), ფედერიკო ფერნანდესი (ნაპოლი),ფაბიან მონსონი (ნიცა), პაბლო საბალეტა (სიტი),
ნახევარმცველები: ხავიერ მასკერანო (ბარსელონა), ევერ ბანეგა (ვალენსია), ფერნანდო გაგო (რომა), ხავიერ პასტორე (პარი სენ ჟერმენი), ნიკოლას გაიტანი (ბენფიკა), ხოსე სოსა (მეტალისტი), პაბლო გუინასუ (ინტერნასიონალი).
თავდამსხმელები: ლიონელ მესი (ბარსელონა), ანხელ დი მარია (რეალი), გონსალო იგუაინი (რეალი), ესეკილ ლავეცი (ნაპოლი),ხერმან დენისი (ატალანტა), სერხიო აგუერო (სიტი).
ყოველდღიური სპორტული გაზეთი "ლელო"
