"მსოფლიო რაგბი" უკან იხევს? - ორგანიზაციის ხელმძღვანელმა საგანგებო შეხვედრა დააანონსა

5 მარტს მსოფლიო რაგბის ხელმძღვანელმა სერ ბილ ბომონტმა საგანგებო განცხადება გაავრცელა და რაგბის მომავლის შესახებ შეხვედრის გამართვა დააანონსა.

"მუდმივი სპეკულაციებისა და სხვადასხვა კომენტარის გამო ვიწვევ პირველი დონის ნაკრებების ხელმძღვანელებს, ასევე, ფიჯისა და იაპონიის წარმომადგენლებს დუბლინში მიმდინარე თვის ბოლოს, რათა განვიხილოთ დაანონსებული ტურნირის ფორმატი.

ჯერჯერობით არანაირი გადაწყვეტილება მიღებული არ არის. ეს მიმდინარე და კომპლექსური პროცესია, რომელსაც ბევრი ასპექტი აქვს. მხოლოდ ერთად მუშაობითაა შესაძლებელი მნიშვნელოვანი შედეგების მიღწევა და რაგბის განვითარება", - ამბობს სერ ბილ ბომონტი საგანგებო განცხადებაში.

საქმე დაანონსებულ "მსოფლიო ლიგას" ეხება, რომლის ფორმატის მიხედვითაც, მასში მონაწილეობას 12 გუნდი მიიღებს - ინგლისი, უელსი, ირლანდია, შოტლანდია, საფრანგეთი, იტალია, ახალი ზელანდია, ავსტრალია, სამხრეთი აფრიკა, არგენტინა, აშშ და იაპონია.

ის ჩაკეტილი იქნება, ანუ არავინ არ გავარდება და ამ ტურნირის კარი მინიმუმ 10 წელი წყნარი ოკეანისა და რაგბის განვითარებადი ქვეყნებისთვის დაკეტილი იქნება.

ფორმატის კრიტიკოსები ითხოვენ, რომ აღნიშნულ ტურნირში ფიჯი, ტონგა, სამოა და საქართველო დაუშვან.

გოჩა სვანიძე: ეს ცხვირაპრეხილი რეტროგრადების თავებში მომწიფდა - ამის უფლებას არავის არ მივცემთ

 

მილტონ ჰეიგი: უნდათ, ამდენი ნაშრომი წყალში გადაგვიყარონ - თუ ვინმე უფრო მეტს გადაიხდის, იქ ყველაფერი მთავრდება!