საქართველო - იტალიის სარაგბო მატჩის არბიტრი ცნობილია

AutoSharing Option
9 ივლისს საქართველოში "ბორჯღალოსნებისა" და იტალიის ტესტ-მატჩს ახალზელანდიელი რეფერი ბრენდონ პიკერილი იმსაჯებს.

32 წლის რეფერი 2016 წლიდან ზე-რაგბის (Super Rugby) მსაჯია, ხოლო 2017 წლიდან ტესტ-მატჩებს მსაჯობს. 2019 წლის მსოფლიო თასზე ის ასისტენტად მუშაობდა. პიკერილს "ბორჯღალოსნების" შეხვედრა აქამდე არასდროს უმსაჯია.

კიდეებიდან მას ინგლისელი ადამ ლეალი და უელსელი ადამ ჯონსი დაეხმარებიან.

მსოფლიო რაგბიმ ზაფხულის ტესტ-მატჩებისთვის მსაჯები უკვე დაასახელა და მათ შორისაა ნიკა ამაშუკელი, რომელიც 2 ივლისს პრეტორიაში, სამხრეთ აფრიკისა და უელსის მატჩს განსჯის. ეს არის პირველი შემთხვევა, როდესაც ქართველი რეფერი ევროპის მიღმა,
ტიერ1-ის გუნდების დაპირისპირებას იმსაჯებს.

"ქალთა და კაცთა მსოფლიო თასების წინ ეს დანიშვნები კიდევ ერთი მნიშვნელოვანი ნაბიჯია. მსაჯები საერთაშორისო და საკლუბო ტურნირებში ნაჩვენები შედეგების მიხედვით შეირჩნენ“ – ამბობს მსოფლიო რაგბის მსაჯთა დანიშვნების კომიტეტის თავმჯდომარე გრემ მური.

Rugby.ge 

alt"ბორჯღალოსნები" - შემოდგომაზე კარდიფში უელსის წინააღმდეგ

altშარიქაძე: ვეცდებით, კრიტიკოსებს დავუმტკიცოთ, რომ უკეთესები ვართ, ვიდრე მათ ჰგონიათ

მკითხველის კომენტარები / 8 /
ჩვენს რეალობაში დამკვიდრებული რომელიმე "ადეკვატური" მიზეზით 2030 წლამდე, რომ გადავდოთ იტალიასთან გასამართი შეხვედრა, მოჟნა ნეტა?!:)

P.S. .......
დიმა
10:46 23-04-2022
2
ყველაზე ცუდი სპორტია რაგბი - წელიწადში ერთხელ გეთამაშება წესიერი გუნდი, ამხანაგურ მათჩში და უნდა ეხვეწო.
ასეთი საზიზღრობა არც ერთ სპორტში არ ხდება.
რაგბის ბურთი
16:28 22-04-2022
5

ასევე დაგაინტერესებთ
სიახლეები პოპულარული