<p>საქართველოს მორაგბეთა ეროვნულ ნაკრებს ივნისის ტესტ-მატჩები წარმატებული გამოუვიდა. იტალიის ნაკრები ისტორიულ შეხვედრაში (28:19) დავამარცხეთ, რასაც პორტუგალიასთან (23:14) გამარჯვებაც მოჰყვა. მართალია, არგენტინა XV-სთან (24:30) დავმარცხდით, თუმცა ლევან მაისაშვილის გუნდმა ეს მატჩი უფრო იტალიელებთან მოსამზადებლად გამოიყენა.</p><p>თვალშისაცემი იყო, რომ საქართველოს ნაკრებმა ხაზში თამაში გააუმჯობესა, დავით ნინიაშვილმა კი უკვე მსოფლიო მედია აალაპარაკა. <strong>SPORTALL.GE</strong> ბოლო შეხვედრების კიდევ ერთ გამორჩეულ მორაგბეს, მგეზავ თედო აბჟანდაძეს ესაუბრა, რომელსაც ახლა საკლუბო დონეზე ცვლილებები აქვს.</p><p><strong>- იტალიის ნაკრებთან გამარჯვება სამომავლოდ რას შეცლის როგორც საქართველოს ნაკრებში, ასევე მსოფლიო რაგბის დამოკიდებულებაში?</strong></p><p>- იტალიის დამარცხებით საკუთარი ძალების რწმენა გაგვიძლიერდა და დავრწმუნდით, რომ ღირსეული თამაში პირველი დონის მეტოქეებთანაც შეგვიძლია. ეს წარმატება მომავალში ძალიან დაგვეხმარება. რაც შეეხება იმას, ყოველივე მსოფლიო რაგბის დამოკიდებულებაში დიდ ცვლილებებს რამდენად გამოიწვევს, რთული სათქმელია. საჭიროა კიდევ რამდენიმე მაღალი დონის შეხვედრა გავმართოთ და გავიმარჯვოთ, რაც შედეგს ამ მიმართულებითაც აუცილებლად მოგვცემს.</p><p><strong>- მოსაწონი იყო, რომ ხაზის თამაშში გამოირჩეოდით და "ბორჯღალოსნები" მხოლოდ შერკინებასთან აღარ ასოცირდება. რას უკავშირებ ასეთ პროგრესს?</strong></p><p>- გეთანხმებით, ხაზში ყველანი მაღალი დონის მორაგბეები ვართ. წნეხის დროს თამაშს კარგად ვუმკლავდებოდით და მეტოქეს ამოსუნთქვის საშუალებას არ ვაძლევდით. გარდა ამისა, იგრძნობოდა, რომ კარგად ვიყავით შეთამაშებულნი და ეს კიდევ ერთი დადებითი ნიშანია, რაც ივნისის ტესტ-მატჩებმა დაგვანახა.</p><p><strong>- ხაზის მოთამაშე დავით ნინიაშვილზე ცალკე უნდა გკითხო. ბევრმა ის უკვე მსოფლიო დონის მოთამაშედ მონათლა. მის წარმატებას რა ფაქტორები განაპირობებს?</strong></p><p>- სრულად ვიზიარებ, რომ ნინიაშვილი ძალიან მაღალი დონის მოთამაშეა. მან ეს არა მხოლოდ სანაკრებო, არამედ საკლუბო მატჩებშიც დაამტკიცა. მხოლოდ "ჩელენჯ ქაფის" ფინალი რომ ავიღოთ, მისი ვიზავი აშკარად დაჯაბნა, რაც 19 წლის ბიჭისთვის მარტივი ნამდვილად არაა.</p><p><p><p></p><p><img src="pictures/artimages/original/2657001b198ee8935a99a788d237f29b.jpg" border="0" alt="Sportall.Ge" title="თედო აბჟანდაძე "ბორჯღალოსნების" პროგრესზე, ნინიაშვილის წარმატების ფაქტორებსა და საკლუბო სირთულეებზე" width="400" height="400" style="border: 0px;" /></p><p></p></p> დათო ნიჭიერი, შრომისმოყვარე და კარგი გაგებით "თავხედია". მისთვის არ აქვს მნიშვნელობა, მინდვრის რა მონაკვეთშია, ვინაა მეტოქე, რა ანგარიშია ტაბლოზე და სხვა ფაქტორებს. დათოს მთავარი სურვილი ხაზის გაჭრა, შეტევა და ლელოს დადებაა.</p><p><strong>- თაობათა ცვლა - ეს პროცესი ნაკრებში რამდენად სწრაფად და უმტკივნეულოდ მიმდინარეობს?</strong></p><p>- თაობათა ცვლა ნამდვილად კარგად მიმდინარეობს. გუნდში უკვე ბევრი ახალგაზრდა მოთამაშეა. ეს პროცესი მუდმივად გრძელდება. ახლაც ჩაჩანიძისა და შვანგირაძის დებიუტი ვნახეთ. დებიუტანტები მუდმივად გვყავს და თამამად ვიტყოდი, ისინი ამართლებენ!</p><p><strong>- "ბრივში" გატარებულ პერიოდს როგორ გაიხსენებდი, როცა მთავარი მგეზავი ვერ გახდი? გუნდში 8 ქართველი იყავით და გასახსენებელი ბევრი გექნებათ...</strong></p><p>- "ბრივში" გატარებული პერიოდი კარგად არ მახსენდება, ვერ შევძელი, ბევრი მეთამაშა და ძირითადი "ათიანი" გავმხდარიყავი. სამწუხაროდ, თავის გამოსაჩენად მცირე შანსი და სათამაშო დრო მეძლეოდა. რაც ყველაზე სასიამოვნო იყო - "ჩელენჯ ქაფზე" "სტად ფრანსესთან" სტუმრად გავიმარჯვეთ, რაც ჩვენს გუნდს მათთან ასე უჭირდა. შეხვედრაში 6-7 ქართველი ვმონაწილეობდით და თითქმის ყველა ქულაში მონაწილეობა მივიღეთ.</p><p><strong>- მომავალ საკლუბო გეგმებზე რას გვეტყვი? გასული წლების საუკეთესო ქართველი მექულე pro d2-ის "მონტობანში", ოთია გიორგაძესთან ერთად ითამაშებ. რატომ შეჩერდა ეს არჩევანი?</strong></p><p>- საკმაოდ კმაყოფილი ვარ. როცა "ბრივმა" თქვა, რომ გუნდში არ მიტოვებდნენ, "მონტობანში" ჩვენ მიმართ დიდი ინტერესი გამოავლინეს. მჯერა, კარგი გუნდი გვეყოლება, მაღალ მიზნებს ვისახავთ და პლეი-ოფში თამაში გვსურს.</p><p><strong>- საუკეთესო თანაგუნდელის, მწვრთნელის, ჩატარებული მატჩისა და ყველაზე ძლიერი მეტოქის გამორჩევა თუ შეგიძლია?</strong></p><p>- რომელიმე თანაგუნდელის ან მწვრთნელის გამოყოფა გამიჭირდება. რაც შეეხება საუკეთესო თამაშს, ასეთად სამოასთან სანაკრებო დებიუტსა და სწორედ იტალიასთან ცოტა ხნის წინანდელ მატჩს დავასახელებდი. მჯერა, ეს მხოლოდ დასაწყისია და უკეთესი წინ მელოდება. რაც შეეხება ყველაზე რთულს, შოტლანდიასთან და ალი პრაისთან დაპირისპირებას აღვნიშნავდი.</p><p><strong>- რას შეცვლიდი აქამდე განვლილ კარიერაში და რა გეგმები გაქვს სამომავლოდ?</strong></p><p>- ყოველთვის შეიძლება ვთქვათ, რომ უკეთესად გამოსვლის სურვილი იყო. რაცაა, ესაა, წინ ახალი გამოწევები და შესაძლებლობებია, რისთვისაც მუდმივად უნდა იბრძოლო. სათამაშო დრო უნდა გამეზარდოს და კარიერული წინსვლა მქონდეს, რათა მსოფლიო თასზე კარგ ფორმაში ვიყო და ამით "ბორჯღალოსნებს" გამოვადგე. <p><p></p><p><p><p></p></p><br></p>
გურო
სხვათაშორის მონტობანში მირიან ბურდულიც თამაშობს
სოსო
ეგრე რა!მშვენიერი ინტერვიუა!არავისზე ნაკლებები არა ხართ,რომ სხვის სტატიებზე ინადიროთ.თუ საქმეს პასუხისმგებლობით მიუდგებით,მალე სხვები დაიწყებენ თქვენ გადაბეჭდვას.
"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა
ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ
როგორ განწყობაზეა ჩვენი მეტოქე? - "ჩიტასის" შემადგენლობა
"შავი ლომი" | "მონპელიე" და "ძებრე" თბილისში, "ქონახთი" და "მონტობანი" სტუმრად
ჯორდან ჰენდერსონი პრემიერ ლიგას დაუბრუნდა
ვინისიუსი “რეალს” ახალ კონტრაქტზე ვერ უთანხმდება
ვესლი სნეიდერის შვილმა პირველი პროფესიონალური კონტრაქტი გააფორმა
ოფიციალურად - მოდრიჩი "მილანის" ფეხბურთელი გახდა
"კეთილი იყოს თქვენი მობრძანება" - პორტუგალიური კლუბი ლომინაძეს ქართულად მიესალმა
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
Ballon d'Or 2025. რეიტინგი განახლდა - კვარაცხელია პრეტენდენტთა შორისაა
ხვიჩას თანაგუნდელს პსჟ-ს დატოვება უნდა
U20. საქართველოს ნაკრებმა ესპანეთს სძლია და მეცხრე ადგილისთვის ფინალში ითამაშებს
ტრამპი "ჩელსის" დიდი ფანია - ჯეიმსმა მას თასის აღმართვის ნებართვა სთხოვა
ნევეში და ლუის ენრიკე შეიძლება დასაჯონ
"ფეხბურთი საუდის არაბეთთან დავთმეთ" - ბლატერი ფიფას აკრიტიკებს
"წელს დემბელეს, გაისად კი - იამალს" - ბარსელონას ყოფილი ფეხბურთელის განცხადება
"რეალმა" როდრიგოს სატრანსფერო ფასი დაასახელა
როგორ მიიღება კვარაცხელიას საუკეთესო ვერსია - პსჟს წაგების მიზეზები
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
"მაშინ ჩემთვის რომ დაერტყა, ცოცხალი აღარ ვიქნებოდი" - სერ ალექს ფერგიუსონმა საინტერესო ისტორია გაიხსენა
"მისი საქციელი ამაზრზენია" - იამალი სერიოზულ სკანდალში გაეხვია
"ფინალები მიყვარს და ეს კვლავ დამტკიცდა" - პალმერი მატჩის შემდეგ
საქართველო-იტალია ბათუმში შედგება
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
ჯორჯიის შტატი მსოფლიო თასზე საქართველოს მორაგბეთა ნაკრებს უქომაგებს - ოფიციალური განცხადება
"არ ვითხოვთ ფულს, ვითხოვთ შესაძლებლობას" - ლევან მაისაშვილი
სავსე ტრიბუნების დროა!
საქართველო ირლანდიას მასპინძლობს - პირველი შეხვედრა თბილისში!