8 ოქტომბერს იაპონიაში მიმდინარე მსოფლიოს თასის B ჯგუფის შეხვედრა გაიმართა.
სამხრეთი აფრიკა კანადას შეხვდა და ანგარიშით 66:7 გაანადგურა.
სამხრეთაფრიკელები უკვე პირველი ტაიმის შემდეგ 45:0-ს იგებდნენ, კობუს რეინახმა კი სამი ლელოს დადება მოახერხა. საბოლოოდ კი, პირველ ტაიმში ლელოს დადება ერთბაშად 5-მა მორაგბემ შეძლო.
აღსანიშნავია, რომ შეხვედრის მე-40 წუთზე, მსაჯის წითელი ბარათის შემდეგ კანადა კაცნაკლული დარჩა.
ამის მიუხედავად, კანადელებმა მეორე ტაიმში პრესტიჟის ლელოს დადება შეძლეს, ამის მერე კი სამხრეთაფრიკელებმა კიდევ სამი ლელო დადეს.
ეს სამხრეთ აფრიკისთვის ჯგუფში ბოლო მატჩია და პრაქტიკულად, გასულია
პლეი-ოფში. სამხრეთ აფრიკამ 15 ქულა დააგროვა და ჯერჯერობით ახალ ზელანდიას ერთი ქულით უსწრებს, თუმცა "ოლ ბლექსს" იტალიასთან მატჩი აქვს სათამაშო.
![როდესაც ძალა აღმართს ხნავს - საქართველოს ნაკრები მსოფლიოს ჩემპიონთან ბრძოლაში დამარცხდა [VIDEO]](/pictures/image7/a4c76914f04eec6e8c17b4045f839ace.jpg "როდესაც ძალა აღმართს ხნავს - საქართველოს ნაკრები მსოფლიოს ჩემპიონთან ბრძოლაში დამარცხდა [VIDEO]")
