რუსეთის რაგბის ფედერაციის უმაღლესი საბჭოს თავმჯდომარე იგორ არტემევი ამბობს, რომ მათი მიზანი რაგბი ევროპის მოგებაა.
მსოფლიოს თასზე რუსეთის ნაკრებმა ოთხივე მატჩი წააგო, მის მწვრთნელ ლინ ჯონსს კონტრაქტი გაუხანგრძლივეს და ამბიციური ამოცანა დაუსახეს.
"ჩვენ მოგვწონს ლინ ჯონსთან მუშაობა. უახლოესი ამოცანა რაგბი ევროპაა. თუ ჩვენი გუნდი კონდიციებს შეინარჩუნებს, რომლებიც მსოფლიოს თასზე თავის საუკეთესო შეხვედრებში აჩვენა, მაშინ არამარტო სამეულში მოხვედრის ძალიან კარგი შანსი გვექნება. ამოცანა მაქსიმალური იქნება - ევროპის ჩემპიონობა", - განუცხადა არტემევმა ТАСС-ს.
რაგბი ევროპა 2020 წლის თებერვალ-მარტში გაიმართება და მასში მონაწილეობას
საქართველოს, რუსეთის, რუმინეთის, ესპანეთის, პორტუგალიის და ბელგიის ნაკრებები მიიღებენ.
რუს მორაგბეებს ქართველებთან თამაშის თან ეშინიათ და თან "ვერ გველევიან"
ისე რუსები აღმავლობის გზაზე არიან,გამოცდილებაც მიიღეს,ბევრი რამეც ისწავლეს,ჩვენ კი ცუდი პერიოდი გვაქვს და რა თქმა უნდა ეცდებიან მომენტის გამოყენებას,თუმცა საჩვენო მყესები,ჯერჯერობით არა აქვთ.იმედია ვერც ვერასოდეს გაიმაგრებენ.