საქართველოს რაგბის თემმა, მოქმედი სარაგბო კლუბების, რაგბის კავშირის გამგეობისა და ხელმძღვანელობის ჩათვლით 2011 წელს მიიღო რაგბის ქარტია, დოკუმენტი რომელიც ასახავს ჩვენს დამოკიდებულებას რაგბის, როგორც ფასეულობათა სისტემის მიმართ. ჩვენთვის რაგბი არასდროს ყოფილა გატაცება, აზარტი და გამარჯვების ჟინით შეპყრობილ ადამიანთა დაუნდობელი, სასტიკი, უწესო ბრძოლა კონკრეტული შედეგის მისაღწევად. რაგბი დღემდე იყო გზა, თამაშის საშუალებით გავმხდარიყავით ფიზიკურად და სულიერად უკეთესები, სიხარული მოგვეტანა ერთმანეთისთვის, ეს იყო გზა სრულყოფილებისკენ, რომელიც გადიოდა მოყვასის (თანაგუნდელის, მოწინააღმდეგის, გულშემატკივრის) სიყვარულზე. რაინდობა, სილაღე, მებრძოლი სული, მეგობრობა, სიყვარული და პატივისცემა – ამით ჩვენ არ გვიყვარს ჩვენი თავი რაგბიში, ჩვენ გვიყვარს რაგბი ჩვენში. ფასეულობა ვერ ჰგუობს კომპრომისს, მორაგბე მხოლოდ მოედანზე არ არის მორაგბე. თუ არ ეკუთვნი ფასეულობას, იგი არც 80 წუთის განმავლობაში მიგიკარებს. ქარტია ჩვენი ცხოვრების წესია, რომელსაც ხანდახან კიდეც ვარღვევთ, მაგრამ ვაღიარებთ და ვემსახურებით, ვუბრუნდებით საწყისს და ვაგრძელებთ გზას სრულყოფილებისკენ. არჩევანი ყველას აქვს, გასვლა ამ წრიდან და ბრძოლის დასრულება თუ დარჩენა და გზის გაგრძელება – ეს ჩვენი გადასაწყვეტია.
დღეს რაგბი, როგორც ფასეულობათა სისტემა მისი შვილებისაგან დაცვას თხოულობს. ძალაუფლებისათვის ბრძოლა ასცდა სრულყოფილებისათვის ბრძოლის გზას და თვითმიზანს დაემსგავსა.
რაგბის კავშირის პრეზიდენტის არჩევნები ემსგავსება უკომპრომისო, დაუნდობელ, უწესო ბრძოლას სადაც დასახული მიზნის მისაღწევად ყველა ხერხი და ყველა საშუალება მართლდება. ფიზიკური თუ სიტყვიერი შეურაცხყოფა, ყოველგვარი წესის დაცვის გარეშე ადამიანების დამნაშავედ გამოცხადება, ლამისაა ლინჩის წესით გასამართლება, მუქარა, გამომწვევად და თავხედურად საზოგადოებრივი წესრიგის დარღვევა, ცილისწამება და დაშინება არათუ დასაშვები არამედ ერთადერთი საშუალება გახდა არჩევნებში გასამარჯვებლად. საქართველოს რაგბის კავშირის გამგეობა გმობს და ემიჯნება რაგბის კავშირის არჩევნებში აქტიურად ჩართულ იმ მორაგბეთა ქმედებებს, რომლებმაც თავხედურად შელახეს რაგბის ქარტიის ფასეულობები.
მოვუწოდებთ რაგბის დიდი თემის თითოეულ წევრს, დავიწყოთ გაჯანსაღება, დავუბრუნდეთ ქარტიას და კარგად გავაანალიზოთ თითოეული ჩვენი ნაბიჯი რათა უფსკრულის პირას მდგომნი ავცდეთ ვარდნას და დაღუპვას, გადავარჩინოთ რაგბი საქართველოში, როგორც ფასეულობათა სისტემა. ყველამ ვაკეთოთ ის, რაც ჩვენი გასაკეთებელია. რაგბში არ არის იმ ადამიანების ადგილი, ვინც ქარტიას არ აღიარებს და ამ პრინციპებს უარყოფს.
ასევე მოვუწოდებთ ხელისუფლების ცალკეულ წარმომადგენლებს – ნუ ეცდებით ხელი შეუშალოთ არჩევნებისას მორაგბეებს გადაწყვეტილების მიღებაში. ჩვენ თავად გადავწყვეტთ თუ ვინ და სად ავირჩიოთ. სამართალდამცავ ორგანოებს ვთხოვთ მეტი ყურადღება გამოიჩინონ არჩევნების მიმართ საზოგადოებრივი წესრიგის დარღვევის არა მხოლდ გამოვლენის, არამედ პრევენციული ღონისძიებების გატარების გზით. ყველამ ვაკეთოთ ჩვენი საქმე.
ქარტია
ჩვენ, საქართველოს რაგბის კავშირის ნამდვილი წევრები – რაგბის კლუბები და გუნდები, ასევე საქართველოს რაგბის კავშირის გამგეობის წევრები და პრეზიდენტი ვაცნობიერებთ რა პასუხისმგებლობას მთელი ქართული სარაგბო თემის წინაშე საქართველოში რაგბის საერთაშორისო, ტრადიციული პრინციპების დაცვისა და შემდგომი განვითარების საკითხში, ვითვალისწინებით საქართველოში რაგბის სწრაფი პოპულარიზაციის პირობებში რაგბის სულისკვეთების არასწორად, დამახინჯებულად აღქმის საშიშროებას, ვთანხმდებით რაგბის თამაშის მონაწილეთა (როგორც მოედანზე, ასევე მოედნის მიღმა) ქცევის იმგვარ წესებზე, რომელთა დაცვა უზრუნველყოფს რაგბის, როგორც სამართლიანი, კოლექტიური და რაინდული თამაშის სულისკვეთების თითოეულ მონაწილემდე დაყვანას, გაცნობიერებასა და მათ მიერთებას სარაგბო თემთან და ამ პრინციპების დაცვით ქართული სარაგბო თემის საერთაშორისო მასშტაბით ამბიციური პრეტენზიის რეალიზაციის საშუალებას.
იმის გათვალისწინებით, რომ რაგბი არის არა მარტოოდენ კონკრეტული მატჩი, არამედ ამ სპორტულ თამაშში განხორციელებული რაინდული სულისკვეთება, რაგბის მონაწილეებად მივიჩნევთ: ა/მოთამაშეს (როგორც მოედანზე, ასევე მოედნის მიღმა), ბ/ მწვრთნელს, გ/ მსაჯს, დ/ რაგბის ფუნქციონერს (როგორც კლუბის, ასევე რაგბის კავშირის სხვადასხვა თანამდებობის პირებს) და ე/ გულშემატკივარს.
ზემოაღნიშნული მიზნების მისაღწევად საქართველოს რაგბის კავშირის ნამდვილი წევრები, გამგეობა და პრეზიდენტი ხელმოწერით ვადასტურებთ ქვემოთმოყვანილი დეკლარირებული პრინციპებისადმი ერთგულებას და მზადყოფნას დავიცვათ და მუდამ უზრუნველვყოთ მათი დაცვა:
1. არ ავნო, არ მიაყენო შეგნებულად ტრავმა, არ დაამცირო
2. პატივი ეცი რაგბის მონაწილეების ღირსებას
3. წაახალისე თანაგუნდელი, დააფასე მეტოქის კარგი თამაში
4. დაემორჩილე წესებს, იმისდა მიუხედავად ეთანხმები თუ არა მათ
5. თამაშის წესები გამოიყენე მხოლოდ კარგი და უკეთესი თამაშისათვის და შედეგს ამ გზით მიაღწიე
6. გახსოვდეს, მარცხი მხოლოდ შენი ბრალია, ეცადე უკეთესი გახდე გაცნობიერებული შრომისა და გამოცდილების შეძენის შედეგად
7. არასოდეს არავინ წააქეზო არასპორტული აგრესიისკენ
8. ეცადე მიიღო და სხვასაც მიანიჭო სიამოვნება რაგბისგან. იმისათვის რომ სიამოვნება მიიღო, უნდა იცოდე, რომ იცოდე უნდა ისწავლო, რომ ისწავლო უნდა გიყვარდეს.
ჩვენ, საქართველოს რაგბის კავშირის ნამდვილი წევრები – რაგბის კლუბები და გუნდები, ასევე საქართველოს რაგბის კავშირის გამგეობის წევრები და პრეზიდენტი ვაცნობიერებთ რა პასუხისმგებლობას მთელი ქართული სარაგბო თემის წინაშე საქართველოში რაგბის საერთაშორისო, ტრადიციული პრინციპების დაცვისა და შემდგომი განვითარების საკითხში, ვითვალისწინებით საქართველოში რაგბის სწრაფი პოპულარიზაციის პირობებში რაგბის სულისკვეთების არასწორად, დამახინჯებულად აღქმის საშიშროებას, ვთანხმდებით რაგბის თამაშის მონაწილეთა (როგორც მოედანზე, ასევე მოედნის მიღმა) ქცევის იმგვარ წესებზე, რომელთა დაცვა უზრუნველყოფს რაგბის, როგორც სამართლიანი, კოლექტიური და რაინდული თამაშის სულისკვეთების თითოეულ მონაწილემდე დაყვანას, გაცნობიერებასა და მათ მიერთებას სარაგბო თემთან და ამ პრინციპების დაცვით ქართული სარაგბო თემის საერთაშორისო მასშტაბით ამბიციური პრეტენზიის რეალიზაციის საშუალებას.
იმის გათვალისწინებით, რომ რაგბი არის არა მარტოოდენ კონკრეტული მატჩი, არამედ ამ სპორტულ თამაშში განხორციელებული რაინდული სულისკვეთება, რაგბის მონაწილეებად მივიჩნევთ: ა/მოთამაშეს (როგორც მოედანზე, ასევე მოედნის მიღმა), ბ/ მწვრთნელს, გ/ მსაჯს, დ/ რაგბის ფუნქციონერს (როგორც კლუბის, ასევე რაგბის კავშირის სხვადასხვა თანამდებობის პირებს) და ე/ გულშემატკივარს.
ზემოაღნიშნული მიზნების მისაღწევად საქართველოს რაგბის კავშირის ნამდვილი წევრები, გამგეობა და პრეზიდენტი ხელმოწერით ვადასტურებთ ქვემოთმოყვანილი დეკლარირებული პრინციპებისადმი ერთგულებას და მზადყოფნას დავიცვათ და მუდამ უზრუნველვყოთ მათი დაცვა:
1. არ ავნო, არ მიაყენო შეგნებულად ტრავმა, არ დაამცირო
2. პატივი ეცი რაგბის მონაწილეების ღირსებას
3. წაახალისე თანაგუნდელი, დააფასე მეტოქის კარგი თამაში
4. დაემორჩილე წესებს, იმისდა მიუხედავად ეთანხმები თუ არა მათ
5. თამაშის წესები გამოიყენე მხოლოდ კარგი და უკეთესი თამაშისათვის და შედეგს ამ გზით მიაღწიე
6. გახსოვდეს, მარცხი მხოლოდ შენი ბრალია, ეცადე უკეთესი გახდე გაცნობიერებული შრომისა და გამოცდილების შეძენის შედეგად
7. არასოდეს არავინ წააქეზო არასპორტული აგრესიისკენ
8. ეცადე მიიღო და სხვასაც მიანიჭო სიამოვნება რაგბისგან. იმისათვის რომ სიამოვნება მიიღო, უნდა იცოდე, რომ იცოდე უნდა ისწავლო, რომ ისწავლო უნდა გიყვარდეს.
მომზადებულია rugby.ge-ს მიხედვით
გოჩა სვანიძე - ჩვენი კონკურენტი პარტიული ადამიანი კლუბებზე ზეწოლას მაჟორიტარების საშუალებით ახდენს
რაგბის კავშირის პრეზიდენტის არჩევნები ჩაიშალა [VIDEO]
