საქართველოს XXIV სარაგბო ჩემპიონატის დებულების თანახმად, უმაღლეს ლიგაში მოასპარეზე გუნდებს ზამთრის სატრანსფერო პერიოდის განმავლობაში არ აქვთ უფლება, ტრანსფერები განახორციელონ შიდა ჩემპიონატიდან. ამიტომ კლუბებს უცხოეთში მოთამაშე ლეგიონერების დამატებით უწევთ საკუთარი შემადგენლობის გაძლიერება."ბოლნისი ყოჩებმა" გუნდში არსებულ მოთამაშეთა საკმაოდ ძლიერ კონტინგენტს კიდევ ორი უაღრესად გამოცდილი მოთამაშე დაამატა.
რუსეთის კრასნოიარსკის "ენისეიდან" მშობლიურ კლუბში დაბრუნდა მარბიელი რატი ურუშაძე, ხოლო რუმინული "ტიმიშოარადან" - ბურჯი გიორგი ხოსიტაშვილი.
38 წლის რატი ურუშაძემ სარაგბო კარიერა "ყოჩებში" დაიწყო, უკანასკნელი წლების განმავლობაში კი "ენისეიში" ასპარეზობდა. რატის საქართველოს ეროვნულ ნაკრებში 41
გიორგი ხოსიტაშვილი უკანასკნელი ორი სეზონის განმავლობაში რუმინეთის ჩემპიონატში წარმატებით ასპარეზობდა და გასულ წელს ქვეყნის ჩემპიონის ტიტულიც მოიპოვა "ტიმიშოარას" რიგებში.
ყოველდღიური სპორტული გაზეთი "ლელო"
