"ბორჯღალოსნებმა" პორტუგალიის ნაკრები დაამარცხეს [VIDEO]

9 თებერვალს მიხეილ მესხის სახელობის სტადიონზე საქართველოს ნაკრებმა ერთა თასის მეორე ტურში პორტუგალიის ეროვნულ გუნდს უმასპინძლა.

"ბორჯღალოსნებმა" დაძაბულ შეხვედრაში სტუმრები ანგარიშით 25:12 დაამარცხეს.

მე-3 წუთზე ლელო ლაშა ხმალაძემ დადო, რის შემდეგაც მერაბ კვირიკაშვილმა გარდასახვა ზუსტად შეასრულა და ანგარიში 7:0 გახადა.

რამდენიმე წუთში კი სტუმრებმა ჯარიმა გაიტანეს და ანგარიშში სხვაობა 4 ქულამდე შეამცირეს.

მეორე ტაიმში ანგარიში ამჯერად სტუმრებმა გახსნეს. პორტუგალიელებმა ჯარიმა ზუსტად შეასრულეს და სხვაობა მინიმუმამდე შეამცირეს - 7:6.

ამის შემდეგ საქართველოს ნაკრებმა კიდევ ერთი ჯარიმის დარტყმის შანსი მიიღო და მერაბ

კვირიკაშვილმა ნაკრებს სამი ქული მოუტანა, თუმცა მალევე პორტუგალიელებმაც შეძლეს საჯარიმო დარტყმით მორიგი სამი ქულების აღება - 10:9.

69-ე წუთზე ლელო თედო ზიბზიბაძემ გაიტანა. კვირიკაშვილმა კი უხერხული პოზიციიდან გატანა ვერ შეძლო - 15:9.

სტუმრებმა მატჩის ბოლო წუთებზე ჯარიმა ზუსტად შეასრულეს - 15:12. პორტუგალიელებს არც "ბორჯღალოსნები" ჩამორჩნენ - კვირკაშვილმა ჯარიმა ამჯერად წარმატებით გამოიყენა - 18:12.

შეხვედრილს მიწურულს კი თედო ზიბზიბაძემ საკუთარ ანგარიშზე მეორე ლელო ჩაიწერა, რასაც კვირიკაშვილის ზუსტი გარდასახვა მოჰყვა - 25:12.

შეგახსენებთ, რომ საქართველოს მორაგბეთა ნაკრები ერთა თასის მორიგ შეხვედრას 23 თებერვალს რუსეთის ეროვნულ გუნდთან სტუმრად გამართავს.

ევროპის ერთა თასი. II ტური
09.02. მიხეილ მესხი. 15:00
საქართველო-პორტუგალია 25:12
საქართველო: 15. ლაშა ხმალაძე, 14. თამაზ მჭედლიძე, 13. თედო ზიბზიბაძე, 12. მერაბ შარიქაძე, 11. ირაკლი მაჩხანელი (კაპ.), 10. მერაბ კვირიკაშვილი, 9. გიორგი ბეგაძე; 1. მიხეილ ნარიაშვილი, 2. შალვა მამუკაშვილი, 3. დავით ზირაქაშვილი, 4. გიორგი ჩხაიძე, 5. კონსტანტინე მიქაუტაძე, 6. შალვა სუთიაშვილი, 7. მამუკა გორგოძე, 8. დიმიტრი ბასილაია.
სათადარიგოები: 16. რევაზ ბელქანია, 17. დავით ხინჩაგიშვილი, 18. ირაკლი მირცხულავა, 19. ვახტანგ მაისურაძე, 20. ბექა ბიწაძე, 21. ვაჟა ხუციშვილი, 22. დავით კაჭარავა, 23. ირაკლი ყიასაშვილი.

მთავარი მწვრთნელი: მილტონ ჰეიგი (ახალი ზელანდია)
მწვრთნელები: ილია მაისურაძე
მწვრთნელი: ილია ზედგინიძე

ევროპის ერთა თასი. II ტური
რუმინეთი - რუსეთი 29:14
ბელგია - ესპანეთი 21:21

სატურნირო ცხრილი
1. რუმინეთი 2 2 0 0 48:27 8
2. საქართველო 2 2 0 0 42:25 8
3. რუსეთი 2 1 0 1 27:38 4
4. ბელგია 2 0 1 1 34:38 3
5. ესპანეთი 2 0 1 1 30:34 3
6. პორტუგალია 2 0 0 2 25:44 1



ასევე იხილეთ:
ბელგია-საქართველო 13:17 - რიხით დაწყება არ გამოვიდა [VIDEO]