რუმინეთის მორაგბეთა ნაკრებს ოთარ ტურაშვილი გამოაკლდა

ერთა თასის გათამაშებაში საქართველოს ნაკრების უმთავრესი კონკურენტის, რუმინეთის ეროვნული გუნდის თავკაცმა, უელსელმა ლინ ჰოულსმა "სტეჟარის" გაფართოებული შემადგენლობა გამოაცხადა.

უელსელის კრებულში ვერ მოხვდა წარმოშობით ქართველი შერკინების კვაჭი ოთარ ტურაშვილი (ფარული), რომელიც რუმინული პრესის აღიარებით, ერთ-ერთი საუკეთესო იყო ნოემბრის ტესტებზე.

საფრანგეთის ჩემპიონატის ერთ-ერთ ტურში დაშავდა და ნაკრებს ვერაფრით დაეხმარება მეორეხაზელი ვალენტინ ურსაკე (ოიონაქსი). განაცხადში ვერ მოხვდნენ ასევე პეტრუ ტამბა, კონსტანტინ პრისტავიტა და ვეტერანი ოვიდიუ ტონიცა.

შეგახსენებთ, რომ "სტეჟარი" პირველი ტურის მატჩში 1-ელ თებერვალს პორტუგალიის ნაკრებს უმასპინძლებს.

რუმინეთის ნაკრები
შერკინება: პაულიკა იონი (პერპინიანი), მიჰაიტა ლაზარი, ვლად ნისტორი (ორივე-კასტრი), ანდრეი ურსაკე (კარკასონი), ჰორაციუ პუნგეა (ჰლანეჰლი), ანდრეი რადოი (ეალინგ ტრაილფრინდელსი), ფლორინ ბარდასუ (ბაია მარე), ეუგენ კაპატანა, ვალენტინ პოპირლანი, სტელიან ბურეა (სამივე-ტიმიშოარა), მარიუს სირბე (ტარბი), ალინ კოსტე (ბურგ ან ბრესი), კრისტიან მუნტეანუ (უესერპე), მიჰაი მაკოვეი (სენ ნაზერი), ვიორელ ლუკაჩი (სტიაუა), ალექსანდრუ მიტუ (ბუქარესტი).
უკანა ხაზი: ფლორინ სურუჯუ (ბუქარესტი), კიპრიან კაპლესკუ, ფლორინ ვლაიკუ, ადრიან აპოსტოლი, კლაუდიუ ნეაგუ (ფარული), გეორგ ოპრეა, ჩაბა გალი, კრისტიან დინისი (ბაია მარე), ვალენტინ კალაფეტეანუ, მადალინ ლემნარუ, კატალინ ფერკუ (ტიმიშოარა), ფლორინ იონიცა, იონუც დუმიტრუ (სტიაუა), დორინ მანოლე (ორტეზი).

ყოველდღიური სპორტული გაზეთი "ლელო"