ბურჯელალს ამისკენ ნოემბრის ტესტების ბოლო დღეს გამართულმა საფრანგეთისა და ავსტრალიის ნაკრებების მატჩმა უბიძგა. "ვოლაბებმა" იმ შეხვედრაში "ლე ბლე" 59:16 გაანადგურეს. ბურჯელალმა გადაწყვიტა "ტულონში" გადაბარგებაზე მოლაპარაკება ავსტრალიელთა ერთბაშად ოთხ მორაგბესთან აწარმოოს. მისი ინტერესის სფეროში მოხვდნენ მეთ გიტო, დრიუ მიტჩელი, ადამ ეშლი-კუპერი და ჯეიმზ ოკონორი.
"ტულონში" ამიერიდან მხოლოდ უმაღლესი დონის, ფიზიკურად ძლიერ მორაგეებს მოვიწვევთ. აღარ მინდა
აღსანიშნავია, რომ ფრანგული სპორტული გაზეთ "ეკიპის" ცნობით, თითქმის დამთავრებულია მოლაპარაკება "მონპელიეს" ქართველ მესამეხაზელ მამუკა გორგოძესთან. მის გარდა მომავალი სეზონიდან "ტულონს" შეუერთდება სამხრეთ აფრიკის ნაკრებისა და მსოფლიოს ერთ-ერთი საუკეთესო მეორეხაზელი ბაკის ბოთა, ინგლისის ნაკრების შერკინების ბურჯი ენდრიუ შერიდანი, ახალი ზელანდიის ნაკრების შუამარბი სონი ბილ ვილიამსი და "ბრივის" უკანახაზელი ალექსის პალისონი.
როგორც "ეკიპი" იუწყება, მურად ბურჯელალი "ტულონის" ახალწვეულთა საბოლოო სიას იანვრის დასაწყისში გააცხადებს.
