იოჰანესბურგში ოთხეულს მიღმა, მეხუთე ადგილზე მყოფმა "ლაიონზმა" გათამაშების ლიდერს, დურბანის "ნატალ შარქსს" გამარჯვება ბოლო წუთებზე გამოჰგლიჯა ხელიდან - 22:20.
მატჩის პირველი ნახევარი ფრედ - 10:10 დასრულდა. შესვენების შემდეგ დურბანელთა გარემარბის ნკედო მვოვოს ორი ლელოს წყალობით სტუმრები დაწინაურდნენ. 79-ე წუთისთვის "ზვიგენები" 20:15-ს იგებდნენ. "ლომებმა" ბოლო იერიში წამოიწყეს, რომელიც სამხრეთ აფრიკის ნაკრების მეორეხაზელმა ფრენკ ფან დერ მერვემ ლელოთი დაასრულა. მგეზავმა ელტონ იანტისმა
უხვქულიანი გამოდგა მეორეადგილოსანი "ვესტერნ პროვანსის" დაპირისპირება შინ პლეი ოფში გასვლისთვის მებრძოლ "გრიკასთან" - 48:32.
"დასავლელებმა" მეტოქეს შვიდი ლელო გაუტანეს, აქედან სამი გარემარბ იოჰანეს ენგელბერხტის ანგარიშზეა. სამი ლელო მიითვალა გრიკასელმა ბიორნ ბესონმაც.
აღსანიშნავია, რომ პირველი ტაიმი მასპინძლებმა 26 ქულით - 29:3 მოიგეს. მეორე ტაიმში პროვანსელებმა თამაშის ტემპს უკლეს, რაც შესანიშნავად გამოიყენეს გრიკასელებმა და თამაშის დამთავრებამდე ხუთი წუთით ადრე ანგარიშში სხვაობის 11 ქულამდე შემცირება შეძლეს - 32:43. გამარჯვების იმედი სტუმრებს შეცვლაზე შესული მეორეხაზელის ანდრეას ფონდესის ლელომ გადაუწურა.
უფრო უხვლელოიანი და საინტერესო სანახავი გამოდგა მატჩი ბლუმფონტეინში, სადაც ადგილობრივმა "ჩიტაზმა", რომელიც სატურნირო ცხრილში მეოთხე ადგილზეა, ერთ-ერთ აუტსაიდერ "პუმასს" - 59:24 მოუგო.
ჩიტაზელებმა მეტოქეს ცხრა ლელო გაუტანეს, აქედან ორ-ორი მორკინალების, ადრიან სტრაუსის, ვილემ ნილისა და ეშლი ჯონსონის ანგარიშზეა.
როგორც მოსალოდნელი იყო, პრეტორიის "ბლუ ბულზმა" სტუმრად აუტსაიდერი "ლეოპარდსი" დაამარცხა - 39:26. მეტ-ნაკლები წინააღმდეგობა მასპინძლებმა პირველ ნახევარში გასწიეს, "ლურჯმა ხარებმა" დაწინაურება მხოლოდ ოთხი ქულით შეძლეს - 17:13, მეორე ნახევარში კი მეტოქეს სამი ლელო გაუტანეს და თამაში ლოგიკურ დასასრულამდე მიიყვანეს.
XII ტური
ვესტერნ პროვანსი-გრიკასი 48:32, ჩიტაზი-პუმასი 59:24, ლეოპარდსი-ბლუ ბულზი 26:39, ლაიონზი-ნატალ შარქსი 22:20.
სატურნირო მდგომარეობა
1. ნატალ შარქსი - 47 ქულა, 2. ვესტერნ პროვანსი - 43, 3. ბლუ ბულზი - 38, 4. ჩიტაზი - 37, 5. ლაიონზი - 35, 6. გრიკასი - 31, 7. პუმასი - 17, 8. ლეოპარდსი - 5.
XIII ტური
ნატალ შარქსი-ლეოპარდსი, პუმასი-გრიკასი, ბლუ ბულზი-ვესტერნ პროვანსი, ჩიტაზი-ლაიონზი
