რუსი MMA-მებრძოლი ალექსანდრ ემელიანენკო უკმაყოფილოა UFC-ის პირველი რუსი ჩემპიონის, ოლეგ ტაკტაროვის საქციელით. შეგახსენებთ, ხაბიბ ნურმაგომედოვსა და ოლეგ ტაკტაროვს კონფლიქტი აქვთ, რამეთუ ვერ გაუგიათ, ვინ არის პირველი ჩემპიონი.
"ვიდეო გამომიგზავნეს, სადაც ტაკტაროვი ცუდად იხსენიებს კავკასიელ ერებს. რისი თქმა შემიძლია? ტაკტაროვ, ბ*ზი ხარ. შენ ხომ ჩამოხვედი კავკასიაში, ხალხმა მიგიღო, გაჭამა, გასვა, პატივი გცა და შენც კმაყოფილი წახვედი აქედან.
ის, რომ კონკრეტულ პირებთან უთანხმოება გაქვს, არ ნიშნავს, რომ მთლიანი კავკასია ცუდია. შენც ბევრს არ უყვარხარ, რომ იცოდე" - განაცხადა ემელიანენკომ თავის "ინსტაგრამზე". გასულ კვირას ხაბიბისა და ტაკტაროვის კონფლიქტი ისევ გაღვივდა. ქვემოთ იხილავთ ბმულს.