10 ივნისს სერბეთის დედაქალაქ ბელგრადში კანოესა და კაიაკში ევროპის ჩემპიონატი დამთავრდა, რომელშიც შესანიშნავად იასპარეზა მცხეთელმა ზაზა ნადირაძემ.ერთადგილიანი კანოეთი 200-მეტრიანი დისტანცია მან საკვალიფიკაციო ეტაპზე 39.026 წამში დაფარა და პირდაპირ ფინალში გავიდა. გადამწყვეტი პაექრობისას ქართველმა ნიჩბოსანმა სტარტი მე-6 ბილიკზე აიღო და ფინიშის ხაზი პირველმა გადაკვეთა (39.200) - ზაზა ნადირაძემ ევროპის ჩემპიონობა პირველად მოიპოვა და ბელორუსის დედაქალაქში 2019 წელს გასამართავი მეორე ევროპული თამაშების საგზურიც დაიმსახურა.
შარშან ქართველი კანოისტი მსოფლიოზე მეორე და ევროპაზე მესამე იყო, ხოლო 2017-18 წლებში მსოფლიოს თასებზე ორი მეორე ადგილი
ბელგრადში 39.224 წამით ვერცხლის მედალი ხვდა ლონდონის ოლიმპიადის ბრინჯაოსპრიზიორს, მსოფლიოს 14-გზის და ევროპის ექვსგზის ჩემპიონ ივან შტილს (რუსეთი), ხოლო 39.468 წამით ბრინჯაოს მედალს დაყაბულდა 2015 და 2017 წლების მსოფლიოს ჩემპიონი, ევროპის ჩემპიონატების ვერცხლისა და ბრინჯაოსმედალოსანი არტსიომ კოზირი (ბელორუსი), რომელთანაც შარშან ზაზამ 200 მეტრზე მსოფლიოს ჩემპიონატის ფინალი წააგო.
