გუშინდელ ნომერში ვწერდით იმის შესახებ, რომ "ჰოკენჰაიმრინგის" ხელმძღვანელობამ უარი განაცხადა 2015 წელს გერმანიის გრანპრის მასპინძლობაზე. ამიტომაც გერმანული ეტაპის ჩატარების ერთადერთ ვარიანტად რჩებოდა რბოლის ორგანიზება "ნიურბურგრინგზე".გუშინ ცნობილი გახდა, რომ ამ ტრასის ხელმძღვანელობამ ვერ იპოვა სპონსორი და შესაბამისად, "ნიურბურგრინგი" ვერ შეძლებს ფორმულა 1-ის პილოტების მასპინძლობას.
"დროის უქონლობის გამო, აგრეთვე, საორგანიზაციო და ეკონომიკური მიზეზების გათვალისწინებით, ამ ეტაპზე ჩვენთვის აზრი არ აქვს რბოლის ჩატარებას. ძალიან ვწუხვართ ამის გამო", - განაცხადა "ნიურბურგრინგის" პრესატაშემ პიეტრო ნუვოლინიმ.
ფორმულა 1-ის ისტორიაში გერმანიის გრანპრი მხოლოდ ორჯერ არ იყო
ყოველდღიური სპორტული გაზეთი "ლელო"
