ფორმულა 1-ის გენერალურმა პრომოუტერმა ბერნი ექლსტოუნმა არ გამორიცხა მსოფლიოს ჩემპიონატის კალენდარში აზერბაიჯანის გრან-პრის გამოჩენა. ბრიტანელს არ ეხამუშება ის ფაქტი, რომ ადამიანის უფლებების დამცველმა ორგანიზაციამ, Human Right Watch-მა კრიტიკულად შეაფასა 2015 წელს აზერბაიჯანში ადამიანის უფლებების დაცვის მხრივ სიტუაცია.
"ჩვენ ჩავატარეთ კონსულტაციები, - ამბობს ექლსტოუნი. - ისეთი შთაბეჭდილება შემექმნა, რომ ამ ქვეყანაში ყველა კმაყოფილია საკუთარი ცხოვრებით. წესით, სერიოზული პრობლემები არ უნდა შეიქმნას. ეს იქნება კიდევ ერთი კარგი რბოლა კალენდარში".
(იბეჭდება მცირე ცვლილებით)
ყოველდღიური სპორტული გაზეთი "ლელო"
