პროფესიონალ ჩოგბურთელთა ასოციაციამ (ATP) ორშაბათს, ტრადიციულად, ახალი რეიტინგი გამოაქვეყნა. მიუხედავად იმისა, რომ ქართველმა ჩოგბურთელმა ნიკოლოზ ბასილაშვილმა გასულ კვირას პირველივე წრეში წააგო შტუტგარტის ტურნირი, მან კლასიფიკაციაში ოთხი საფეხურით მაღლა აიწია და მსოფლიოს 51-ე ჩოგანი გახდა, რაც მისი კარიერის რეკორდია.ბასილაშვილს 2017 წლის სეზონში 18 მოგება და 13 წაგება აქვს. მან წლევანდელ ტურნირებში 383 972 ამერიკული დოლარის გამომუშავება შეძლო.
ნიკოლოზი ამ კვირას ლონდონის "ქუინზ ქლაბის" ტურნირში მიიღებს მონაწილეობას. სამშაბათს, პირველი წრის მატჩში ბასილაშვილი ლუქსემბურგელ ჟილ მიულერს შეხვდება.
ყოველდღიური სპორტული გაზეთი "ლელო"
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
