თელავის კორტებზე დასასრულს უახლოვდება რენას და დათოს თასის გათამაშება, რომელშიც 10 ქვეყნის 130-მდე ჩოგბურთელი მონაწილეობს. 14-წლიან ვაჟებში 32 მოასპარეზეს შორის საქართველოს 12 წარმომადგენელი ჩაება მთავარი პრიზისთვის პაექრობაში. სამწუხაროდ, ვერც ერთმა მათგანმა პირველი წრე ვერ გადალახა. ტურნირზე პირველ ნომრად განთესილი აიხან მანაფლი (აზერბაიჯანი) გუშინ რუს პაველ კოტოვთან დამარცხდა (0:6, 1:6), მეორე ნომერმა ტიმურ იგამბერდიევმა (რუსეთი), რომელსაც თბილისის თასზე ალექსანდრე ბაქშიმ აჯობა, გუშინ თელავში თანამემამულე ილია სტრუკოვი დაამარცხა (6:1, 7:5) და დღეს ფინალში კოტოვს დაუპირისპირდება.
რაც შეეხება ლეილა მესხის ჩოგბურთის აკადემიის კორტებზე გამარჯვებულ
გოგონებშიც პირველობა ქართველ ჩოგბურთელს ხვდა: ბარბარე ერისთავმა ნახევარფინალში ბელარუს ალინა ზუბკოვას დააყრევინა ფარ-ხმალი (6:3, 6:2), გადამწყვეტ პაექრობაში კი მოლდოველ იანინა მინასიანს აჯობა - 2:6, 6:4, 7:5.
თოთხმეტწლიან გოგონათა ფინალში დღეს ქართველები დაუპირისპირდებიან ერთმანეთს, ოღონდ, თბილისელი მარიამ ბოლქვაძის (გუშინ ქრისტინე გეგეშიძე დაამარცხა - 6:3, 6:2) მეტოქე რუსეთის მოქალაქე ანა ყიფიანი იქნება.
ყოველდღიური სპორტული გაზეთი "ლელო"
