ქართველმა ჩოგბურთელებმა პირველ ევროაფრიკულ ზონაში ადგილი შეინარჩუნეს

უნგრეთის დედაქალაქში, როგორც ვწერდით, ფედერაციის თასის გათამაშების პირველ ევროაფრიკულ ზონაში 15 ქვეყნის ქალთა გუნდები შეიკრიბნენ.

საქართველოს გუნდის წევრები C ჯგუფის ფავორიტ ბელორუსებთან დამარცხდნენ - 0:3, მეორე დღეს პორტუგალიას სძლიეს - 2:1, ასეთივე ანგარიშით ჩვენებმა მესამე ტურში ბულგარელებს აჯობეს (დია ევტიმოვა-ეკატერინე გორგოძე 4:6, 4:6, ელიზა კოსტოვა-სოფიო შაფათავა 6:3, 7:6, ოქსანა კალაშნიკოვა, შაფათავა-ევტიმოვა, კოსტოვა 6:3, 6:3).

იმავე დღეს ბელორუსებმა პორტუგალიელები დაამარცხეს - 2:1 (ოლგა გოვორცოვა-მარია ჟოაო კოეხლერი 6:3, 6:2. ალიაქსანდრა სასნოვიჩი-მიხაელა ლარჩერ დე ბრიტო 4:6, 2:6, ვერა ლარკო, სასნოვიჩი-ბარბარა ლუზი, ინეს მურტა 6:4, 6:7, 6:2).

C ჯგუფი
ა გ თ მ წ ს
ბელორუსი 3 3 0 8:1
საქართველო 3 2 1 4:5
ბულგარეთი 3 1 2 4:5
პორტუგალია 3 0 3 2:7

A ჯგუფი
სერბეთი - ავსტრია 3:0, სერბეთი - უნგრეთი 2:1, უნგრეთი - ავსტრია 3:0

ა გ თ მ წ ს
სერბეთი 2 2 0 5:1
უნგრეთი 2 1 1 4:2
ავსტრია 2 0 2 0:6

B ჯგუფი
დიდი ბრიტანეთი - ლიხტენშტეინი 3:0, უკრაინა - თურქეთი 2:1, დიდი ბრიტანეთი - თურქეთი 1:2, უკრაინა - ლიხტენშტეინი 3:0, დიდი ბრიტანეთი - უკრაინა 3:0, თურქეთი - ლიხტენშტეინი 3:0.

ა გ თ მ წ ს
დიდი ბრიტანეთი 3 2 1 7:2
თურქეთი 3 2 1 6:3
უკრაინა 3 2 1 5:4
ლიხტენშტეინი 3 0 0 0:9

D ჯგუფი
ხორვატია - ისრაელი 3:0, ბელგია - ლატვია 3:0, ხორვატია - ლატვია 2:1, ბელგია - ისრაელი 3:0, ბელგია - ხორვატია 1:2, ისრაელი - ლატვია 2:1.

ა გ თ მ წ ს
ხორვატია 3 3 0 7:2
ბელგია 3 2 1 7:2
ისრაელი 3 1 2 2:7
ლატვია 3 0 3 2:7

მსოფლიოს მეორე ჯგუფის ორი საგზური ბელორუსებმა და სერბებმა მოიპოვეს, რომლებმაც ერთნაირი ანგარიშით (2:0) დიდი ბრიტანეთი და ხორვატია დაჯაბნეს.

ჯგუფების მეორეადგილოსნები მეხუთე-მერვე ადგილებისთვის დაუპირისპირდნენ ერთმანეთს: საქართველო - თურქეთი 1:2 (მარიამ ბოლქვაძე-ბასაკ ერაიდინი 6:3, 6:3, ეკატერინე გორგოძე-იპეკ სოილუ 6:2, 0:6, 1:6, კალაშნიკოვა, შაფათავა-კაგლა ბუიკაკჩაი, სოილუ 6:4, 4:6, 4:6), ბელგია-უნგრეთი 0:3. IX-X ადგილებისთვის. უკრაინა-ბულგარეთი 2:0.

ჯგუფებში მეოთხე ადგილზე გასული გუნდებიდან პირველ ზონაში ადგილი შეინარჩუნეს პორტუგალიამ და ლატვიამ, რომლებმაც, შესაბამისად, ლიხტენშტეინი და ავსტრია 2:0 და 2:1 დაჯაბნეს. ბოლო ორი გუნდი გაისად მეორე ევროაფრიკულ ზონაში ითამაშებს.

(იბეჭდება მცირე ცვლილებით)
ყოველდღიური სპორტული გაზეთი "ლელო"