გერმანულ როსტოკში წყალმხტომელთა საერთაშორისო დღე ორმოცდამეჩვიდმეტედ აღნიშნეს. გრან პრის გათამაშებაში 28 ქვეყნის 200-მდე სპორტსმენი მონაწილეობს, მათ შორის საქართველოდან - ჭოლა ჭანტურია და შოთა კორახაშვილი (მწვრთნელი - საწყლოსნო სახეობათა ეროვნული ფედერაციის გენერალური მდივანი ირაკლი ბართაია). ასპარეზობის პირველ დღეს საკვალიფიკაციო ეტაპზე 3-მეტრიანი ტრამპლინიდან ხტომაში 37 მეტოქესთან პაექრობაში ჭანტურია 12 საუკეთესოში, ანუ ფინალში მოხვდა.
სინქრონულ ხტომებში ჩვენმა ბიჭებმა გადამწყვეტ ეტაპზე 348 ქულით მე-7 ადგილი დაიკავეს. რომ არა მსაჯების მიკერძოება, შესაძლოა, მეხუთე ადგილზე გასულიყვნენ, რადგან კანადელებმა ქართველებს ორი, ნორვეგიელებმა კი სამი ქულით გაუსწრეს.
"შეგირდების
სხვა შეჯიბრებებში, დარწმუნებული ვარ, უკეთესი შედეგები გექნებათო", - გვამცნო ირაკლი ბართაიამ როსტოკიდან.
პირველ-მესამე ადგილები მასპინძელთა, უკრაინელთა და ავსტრალიელთა დუეტებმა გაინაწილეს.
ყოველდღიური სპორტული გაზეთი "ლელო"
