მურთაზ შელიას ქალიშვილი პარიზის მოდის კვირეულზე გამოვიდა [PHOTO]

საქართველოს ნაკრების ყოფილი მცველის, მურთაზ შელიას 17 წლის ქალიშვილი პარიზის მოდის კვირეულზე გამოვიდა.

ანა შელია თაკო ჩხეიძის სააგენტოს, Geomodels-ის მოდელია და საქართველოში წარმატებულ და მაღალანაზღაურებად მოდელად ითვლება, ახლა კი მისი სილამაზე ქვეყნის ფარგლებსაც გასცდა და ერთ-ერთი ყველაზე ცნობილი ბრენდის ჩვენებაში პარიზის მოდის კვირეულზე გამოვიდა.

ანა მოდელ ლიკა კვარაცხელიასა და ფეხბურთელ მურთაზ შელიას უფროსი ქალიშვილია.

როგორც ამბობენ, ანა შეყვარებულია. "ფეისბუქის" და "ინსტაგრამის" გვერდზე ლამაზმანს განთავსებული აქვს რამდენიმე ფოტო, რომელზეც ის საქართველოს ნაკრების მორაგბესთან, ლაშა ლომიძესთან ერთადაა ასახული.

შეგახსენებთ, რომ მურთაზ შელიას თავის დროზე თბილისის "დინამოსა" და "მანჩესტერ სიტიში" უთამაშია. ამჟამად მურთაზი საფეხბურთო  კლუბ "ცხინვალის" დირექტორია.
მომზადებულია ambebi.ge-ს მიხედვით