სამი ტურის შემდეგ ლიდერთა ჯგუფში იყვნენ მალხაზ სულაშვილი და ალა ვახანია, რომლებიც თეთრი ფიგურებით ხვდებოდნენ მეტოქეებს. სულაშვილი უკრაინელ დიდოსტატ ალექსანდრ ზუბარევს დაუზავდა, ვახანია კი რუს ანდრეი რიჩაგოვთან დამარცხდა. 2,5 ქულის მქონე ნინო ბაციაშვილმა შავი ფიგურებით ჰოლანდიელ ვან ნიეს პაულინეს მოუგო, წარმატებას მიაღწია ბელა ხოტენაშვილმაც, რომელმაც ბერძენ ალექსანდროს რადოპულოს აჯობა. საკუთარ მონაგარს ქულა შემატა ანა გავაშელმა იტალიელი სერგიო გაროფალოს ძლევით.
გუშინ
ლიდერთა ჯგუფში უკრაინელმა იური კრივორუჩკომ თანამემამულე იაროსლავ ზინჩენკოს სძლია, სერბმა მისა პაპმა რუსი სერგეი ვოლკოვი დაჯაბნა, ხოლო ანდრეი რიჩაგოვმა ალბერტო დავიდს (ლუქსემბურგი) გააჩერებინა საათი. ხუთი ტურის შემდეგ უდანაკარგოდ პაპი, რიჩაგოვი და კრივორუჩკო ლიდერობენ. ქართველთაგან ხოტენაშვილსა და სულაშვილს 4-4 ქულა აქვთ, ბაციაშვილს - 3,5, ვახანიას და გავაშელს - 3-3 ქულა.
