დუბაიში მოჭადრაკეთა საერთაშორისო ტურნირზე სამი ტურის შემდეგ უდანაკარგოდ ერთბაშად ექვსი დიდოსტატი მეწინავეობდა. მათ შორის სამი ქართველი იყო. 18 აპრილს მე-4 ტურში ბაადურ ჯობავა და ლევან ფანცულაია დაზავდნენ. ასევე ყაიმზე შეთანხმდნენ ჩანდა სანდიპანი (ინდოეთი) და მიხეილ მჭედლიშვილი.
ჩინელმა ნი ჰუამ უკრაინელ მარტინ კრავცივს სძლია და 4 ქულით ერთპიროვნულად დაწინაურდა. ნახევარ-ნახევარი ქულით ნაკლები მოაგროვა 12-მა მოჭადრაკემ, მათ შორის ჯობავამ, ფანცულაიამ და მჭედლიშვილმა. დავით არუთინიანმა ერევნელ ზავენ ანდრიასიანთან წააგო, სოფიო ხუხაშვილმა კი ირანელ იკრომ ილჰომზოდასთან ქულა გაიყო. ორივე ჩვენებურს 2,5-2,5 ქულა აქვს.
19
ყოველდღიური სპორტული გაზეთი "ლელო"
