ქართველ მოჭადრაკეთა უმრავლესობისთვის იზმირის (თურქეთი) საერთაშორისო ტურნირის (საპრიზო ფონდი 10 250 დოლარი) ბოლო ტური წარმატებული აღმოჩნდა. განსაკუთრებით, ბაჩანა მორჩიაშვილისა და გიგა ყუფარაძის გამარჯვებები უნდა აღინიშნოს.ფინიშის სწორზე 6,5-6,5 ქულით ერთბაშად 9 მოჭადრაკე ინარჩუნებდა პირველ ადგილზე გასვლის შანსს. მათგან შედეგიანად მხოლოდ სამმა დაასრულა პარტია: მორჩიაშვილმა შავი ფიგურებით ივან როზუმი დაამარცხა, ყუფარაძემ თეთრებით ივან პოპოვს სძლია, ნაზარ ფირმანმა (უკრაინა) ჰანძარ ოდეევს აჯობა. სამივემ 7,5-7,5 ქულას მოუყარა თავი.
უკეთესი კოეფიციენტით პირველობა და 2000 დოლარი ფირმანს ხვდა. მეორე ადგილზე (1500 დოლარი) მორჩიაშვილი გავიდა, რომელმაც
ჩვენებურთაგან ფინიშზე სხვა მოჭადრაკეებმაც გამოიჩინეს თავი: არმენ გრიგორიევი - დავით მაღალაშვილი 0:1, ფეტი ეფეიდინი - ზურაბ ჯავახაძე 0:1, კონსტანტინე შანავა - სერხან გუდერი 1:0, კირილ სტუპაკი - ივერი ჭიღლაძე 1:0, შოთა აზალაძე - მარიამ ჭოლაძე 1:0.
ცხრა მოჭადრაკემ, მათ შორის - მაღალაშვილმა და ჯავახაძემ, 9-9 ქულა მოაგროვეს. ამის მიუხედავად, დათომ რეიტინგში შვიდი პუნქტი დაკარგა; ხოლო ზურაბმა, რომელსაც რამდენიმე დღის წინათ სტამბულში, ფიდეს კონგრესზე საერთაშორისო ოსტატობა მიენიჭა, მონაგარი ერთი პუნქტით გაიმდიდრა. კონსტანტინე შანავა - 6,5 (-14 პუნქტი), შოთა აზალაძე - 6 (-12), არმენ გრიგორიევი - 6 (+10), ალექსანდრე ებრალიძე - 6 (0), ივერი ჭიღლაძე - 5,5 (-7), მარიამ ჭოლაძე - 5,5 (+11) ქულა.
ყოველდღიური სპორტული გაზეთი "ლელო"
