ევროპის ჩემპიონატიდან დაბრუნების შემდეგ ჭაბუკ ძიუდოისტებს ძიუდოს ფედერაციის ხედლმძღვანელებთან და მწვრთნელებთან ერთად სპორტისა და ახალგაზრდობის საქმეთა მინისტრი ვლადიმერ ვაღძელაშვილი შეხვდა და ბოლო ათწლეულის საუკეთესო წარმატება მიულოცა. მალტის ქალაქ კოტონერაში საქართველოს ჭაბუკ ძიუდოისტთა ნაკრებს 2 ოქროს, 3 ვერცხლის და 2 ბრინჯაოს მედალი ხვდა წილად. გიორგი ვაზაგაშვილის გაწვრთნილი გუნდიდან ჩემპიონის ტიტული ვანო მამისაშვილმა (55 კგ) და ბექა ღვინიაშვილმა (81) მოიპოვეს.
თამაზ კირაკოზაშვილი (60), შალვა ჩოჩელი (90) და გიორგი ლაზუაშვილი (+90) ფინალში დამარცხდნენ და ვერცხლის მედალს დასჯერდნენ, ლევან გუგავა (73) და გურამ თუშიშვილი
ჩემპიონატში 37 ქვეყნის 366 ძიუდოისტი ასპარეზობდა. საქართველოს ნაკრებმა გუნდურ ჩათვლაში მეორე ადგილი დაიკავა.
11-14 აგვისტოს ჭაბუკ ძიუდოისტთა სეზონის უმთავრეს ტურნირს - მსოფლიოს ჩემპიონატს კიევი უმასპინძლებს.
ფოტო: თამუნა ყულუმბეგაშვილი
ყოველდღიური სპორტული გაზეთი "ლელო"
