საქართველოს ჭაბუკ ძიუდოისტთა ნაკრების მთავარმა მწვრთნელმა გიორგი ვაზაგაშვილმა დაასახელა 11-14 აგვისტოს კიევში, მსოფლიოს ჩემპიონატზე წასაყვანი შემადგენლობა: ზვიად ხუბულური, გიორგი კაციაშვილი (ორივე - 50), ივანე მამისაშვილი, გიგა აფაქიძე (ორივე - 55), თამაზ კირაკოზაშვილი, გიორგი გოგოლაშვილი (ორივე - 60), აპოლონ ზურაბიანი, გიორგი მუზაშვილი (ორივე - 66), ბექა დონღვანი, ლევან გუგავა (ორივე - 73), ბექა ღვინიაშვილი, ჯაბა კაპანაძე (ორივე - 81), შალვა ჩოჩელი, გურამ თუშიშვილი (ორივე - 90), გიორგი ლაზუაშვილი, ზაზა ხუბულური (ორივე - +90).
ეს ლამის იგივე გუნდია, რომელმაც ივნისში მალტურ კოტონერაზე
ახლანდელი წევრებიდან მალტაში მხოლოდ ხუთს არ უჭიდავია - აფაქიძეს, გოგოლაშვილს, კაპანაძეს და ზაზა ხუბულურს. ამ ბიჭებიდან ჯერჯერობით ყველაზე უკეთეს სეზონს ღვინიაშვილი ატარებს - მალტაშიც ჩემპიონი გახდა და ტრაბზონშიც. მამისაშვილი ევროპაზე ჩემპიონი გახდა, თურქეთში კი ბრინჯაო მოიპოვა. ლაზუაშვილმა და კირაკოზაშვილმა მალტაში ვერცხლი, ტრაბზონში კი ბრინჯაო ირგუნეს, გუგავა ორივეგან მესამეზე გავიდა, ჩოჩელი ევროპაზე მეორე იყო, თუშიშვილი - მესამე.
გუნდი კიევში 9 აგვისტოს გაემგზავრება.
ყოველდღიური სპორტული გაზეთი "ლელო"
