ნაკრების ამ შემადგენლობამ დიდი გაკვირვება გამოიწვია ჯერ კიდევ იმ დროიდან, როცა ტოტიკაშვილმა წინასწარი მონახაზი გაამხილა. თანაც უკლებლივ ყველა სპექტრში - ქომაგებში, ჟურნალისტებში, ხელმძღვანელ სტრუქტურებში... თავად სპორტსმენებშიც კი და საქმე იქამდე მივიდა, რომ ბაკურიანში შეკრებაზე მყოფმა შინჯიკაშვილმა და წელაურმა იჩხუბეს კიდეც...
ტოტიკაშვილს ამ თემებზე სასაუბროდ გუშინ დავუკავშირდით, როცა ყველა საკადრო კითხვას გაეცა პასუხი. მოულოდნელად ამ ინტერვიუმ ბევრი სხვა საინტერესო თემაც მოიცვა - ფედერაციის ხელმძღვანელობაში დაწყებული ცვლილებები, მოსალოდნელი რეფორმები თავად ნაკრების სათავეში, ტოტიკაშვილის დაპირისპირება სპორტსმენებთან თუ მწვრთნელებთან და სხვა... ტოტიკაშვილმა დაადასტურა მოარული ხმები იმის შესახებ, რომ ლაპარაკია მის ჩანაცვლებაზე, რის შესახებაც ინფორმაცია `ლელომ~ რამდენიმე დღის წინ მოიპოვა. თუმცა ეს არცაა დიდი საიდუმლო - ფედერაციის ხემძღვანელობაში დაწყებული ცვლილებები ყველა სფეროს შეეხება... თუმცა ტოტიკაშვილთან საუბარმა სხვა საინტერესო ამბებიც წამოატივტივა.
კერძოდ, გვითხრა, რომ ფედერაციასთან კონტრაქტი არ გაუფორმებია! არადა, ეს პროცედურა ფედერაციამ პრესკონფერენციაზე გააკეთა, მედიის თვალწინ! ასევე გამოვლინდა ფაქტები, როცა თურმე ფედერაციის ხელმძღვანელობიდან ვიღაცები ცალკეულ სპორტსმენებს გარკვეულ გარანტიებს აძლევდნენ (!). ერთი სიტყვით, კიდევ ერთხელ წარმოჩნდა პრობლემები და კიდევ ერთხელ დავარწმუნდით, რომ ეს მსოფლიოს პირველობა ძალიან ბევრ რამეს განსაზღვრავს - ამის შემდეგ ბევრად დინამიკური და რადიკალური რეფორმები დაიწყება.
ცხადია, ტოტიკაშვილთან ინტერვიუ იმ კრიტერიუმებზე საუბრით დავიწყეთ, რამაც ახლანდელი ნაკრების შემადგენლობა განსაზღვრა.
ინტერვიუ წაიკითხეთ "ლელოს" ხუთშაბათის ნომერში
