დაგვეთანხმებით, უმთავრესი მაინც კურატორ-დირექტორის ვინაობაა, რომელიც მავანი ევროპელი ორგზის ოლიმპიური ჩემპიონიაო. ასეთი ევროპაში ვინაა? ჰოლანდიელი ვილემ რუსკა, ავსტრიელი პეტერ ზაიზენბახერი, პოლონელი ვალდემარ ლეგინენი და ფრანგი დავიდ დუიე! ზუსტად არ ვიცით, ამათგან რომელთან მიმდინარეობს მოლაპარკება, მაგრამ თავიდან დუიე ვიფიქრე, რომელიც საფრანგეთში ამ თანამდებობაზე მუშაობდა, თუმცა მისი კანდიდატურა გადაჭრით გამორიცხეს. დანარჩენთაგან ასაკის გამო 70 წლის რუსკაც გამორიცხული გვგონია. დარჩა ზაიზენბახერი და ლეგინენი, თუმცა გარკვეული დეტალების გათვალისწინებით, რატომღაც მაინც უფრო ავსტრიელი გვგონია.
ჯერჯეობით გადაჭრილი არაფერია და ინკოგნიტო კანდიდატთან მხოლოდ მოლაპარაკება მიმდინარეობს. იმედია, ეს საკითხიც უახლოეს დღეებში გაირკვევა. არადა, ცოტა ხნის წინათ მართლაც ყოფილა ლაპარაკი კორეელ სპეციალისტზე, ოღონდ ის ვარიანტი რატომ ჩაიშალა, ვერ გეტყვით და დიდად არც გვიკვლევია, ვინაიდან აღარაა აქტუალური.
