7 მაისს, სერბეთის ქალაქ ნოვი სადში ევროპის ჩემპიონატის ბოლო საჭიდაო დღეს ბერძნულ-რომაული სტილით მოჭიდავე ზურაბ დათუნაშვილი (80) ევროპის ჩემპიონი ზედიზედ მეორედ გახდა. შარშან ოქროს მედლები მან 75 კგ-ში მოიპოვა, წელს კი - 80-ში.- ევროპის ჩემპიონატი. II დღე: "მფრინავი ფალავანი" ახალ წონაშიც ჩემპიონია! [VIDEO]
დათუნაშვილმა თავის გამოსვლასთან დაკავშირებით პირველი კომენტარი Sportall.ge-სთან გააკეთა.
"ჩემი შესაძლებლობების მაქსიმუმი გამოვავლინე, ჩემპიონი გავხდი და ამიტომ გამოსვლით კმაყოფილი ვარ. დიდი იმედი მაქვს, რომ შემდეგ შეჯიბრებებზეც ასევე კარგად ვიასპარეზებ.
ჩემს მოწინააღმდეგეებს ფსიქოლოგიურად ვაჯობე. წინა წლის ჩემპიონი ვიყავი
მეტოქეები 75 კგ-შიც ძლიერები მყავდნენ და 80-შიც ძლიერები არიან. ჩემი აზრით, 75 კგ-ში ჭიდაობა უფრო გამიჭირდა, რადგან წონას ვიგდებდი, დასუსტებული ვიყავი... 80 კგ კი ადვილად გადავლახე", - გვითხრა დათუნაშვილმა.
!["ბრავო, ოსტატო!" - როგორ მიულოცა ნოვაკ ჯოკოვიჩმა ზურაბ დათუნაშვილს ოლიმპიური მედალი [PHOTO]](/pictures/image7/96aaa23f9e19a10df8e7b2960c4355b3.jpg "\"ბრავო, ოსტატო!\" - როგორ მიულოცა ნოვაკ ჯოკოვიჩმა ზურაბ დათუნაშვილს ოლიმპიური მედალი [PHOTO]")
