სანკტ-პეტერბურგში სამბოს საერთაშორისო ფედერაციის (FIAS) 25-ე საიუბილეო საარჩევნო კონგრესს 96 ნაციონალური ფედერაციის 207 დელეგატი დაესწრო.FIAS-ის კონგრესმა ვასილი შესტაკოვი პრეზიდენტად მეორე ვადით აირჩია.
კონგრესისადმი ინტერესი იმანაც გაზარდა, რომ ამ არჩევნებს წინ FIAS-ის გარშემო არაერთი სკანდალი უძღვოდა.
სანკტ-პეტერბურგში საერთაშორისო ფედერაციის მეამბოხე წევრებს: მიხეილ შულცს, დავით რუდმანს, ნიკალაი ლენცს და ფალიდინ პულატოვს FIAS-ის აღმასრულებელ კომიტეტში შეუწყდათ უფლებამოსილება.
ხუთივე კონტინენტის სამბოს ოჯახის წევრებმა ნიკარაგუას, სეიშელის კუნძულების, სინგაპურის, გვატემალას, ტრინადას, სალვადორისა და ტობაგოს FIAS-ის წევრებად მიღებას მხარი დაუჭირეს.
კონგრესმა წარმოადგინა ს
სხვა საინტერესო საკითხებიც განიხილეს, მაგრამ ჩვენთვის ყველაზე კარგი საქართველოს სამბოს ეროვნული ფედერაციის პრეზიდენტის, კონგრესის დელეგატის, სოსო ლიპარტელიანის სამბოს უმაღლეს ორგანოში - FIAS-ის შემადგენლობაში არჩევა იყო.
სამბოს არსებობის 75 წლის განმავლობაში საქართველოდან იქ არავის უმოღვაწია...
საქართველოს სამბოს თავკაცი 25-ე კონგრესზე სამბოს საერთაშორისო ფედერაციის სარევიზიო კომისიის თავმჯდომარედ აირჩიეს. მისი მოადგილეები კოლუმბიისა და მონღოლეთის სამბოს პრეზიდენტები არიან.
ცოტა რამ სოსო ლიპარტელიანზე: დაიბადა 1971 წლის 3 თებერვალს ლენტეხის რაიონის სოფელ ხოფურში.
ოლიმპიური თამაშებისა და ევროპის ჩემპიონატის პრიზიორი - ძიუდოში, მსოფლიოს ჩემპიონატის პრიზიორი - სამბოში. იყო საქართველოს ძიუდოისტთა ეროვნული ნაკრების უფროსი მწვრთნელი, ძიუდოს ფედერაციის ვიცე-პრეზიდენტი, 2012 წლის 30 მარტიდან კი სათავეში უდგას საქართველოს სამბოს ფედერაციას.
გაბრიელ ჯაბრიძე
ყოველდღიური სპორტული გაზეთი "ლელო"
