ოთხთვიანი იძულებითი პაუზის შემდეგ სუმოს სეზონი განახლდა - გუშინ ტოკიოში დაიწყო ზაფხულის ბაშო (ნაცუ ბაშო), რომელიც 22 მაისამდე გაგრძელდება. სუმოს სამყაროში მიჯრით მიწყობილი სკანდალების გამო ეს სუპერტურნირი შეთხელებულია, რადგან ასოციაციის ხელმძღვანელებმა მაქინაციებში მხილებულ სუმოისტებს პენსიაზე გასვლა აიძულეს. უმაღლეს დივიზიონ მაკუუჩიში ორი ქართველი ჭიდაობს: ლევან გორგაძე (ტოჩინოშინი) დასავლეთის მე-6 მაეგაშირაა, ხოლო თეიმურაზ ჯუღელი (გაგამარუ) - აღმოსავლეთის მე-14 მაეგაშირა. ძურიოს დივიზიონში გავარდნილი ლევან ცაგურია (კოკაი) კი დასავლეთის მე-6 ნომერია ლიგაში.
როგორც ჩანს, "შავი ზღვის" საუკეთესო ხანა დაისისკენ მიდის - 30 წლის კოკაიმ,
სამაგიეროდ, იმარჯვეს ჩვენმა ელიტელებმა და ბაშოზე კარგი განწყობა დაიბევეს. ტოჩინოშინმა აღმოსავლეთის მე-6 მაეგაშირა ტამავაშის აჯობა, ქართველმა მონღოლს უვატენაგეს ილეთი (ქართული მოგვერდის მსგავსი) ჩაუტარა. ელიტაში ყველაზე მძიმე რიკიშიმ კი (გაგამარუ 200 კილოგრამს იწონის) მონღოლი მე-13 მაეგაშირა ტოკიტენკუ დაამარცხა. ქართველმა ყოფილ კომუსუბის ოშიტაოშით აჯობა - ისეთი ძალით მიაწვა, რომ ვეტერანი ზურგზე დავარდა.
დღეს ტოჩინოშინი მე-7 მაეგაშირა იოშიკაძეს გამოცდის. 29 წლის იაპონელთან ქართველს დადებითი ბალანსი აქვს, ურთიერთშეხვედრებში 6:2-ს უგებს. გაგამარუს გამოცდილი ტაკამისაკარი ერგო მეტოქედ, იაპონელთა ერთ-ერთ საყვარელ სუმოისტთან ჩვენებურს ჯერჯერობით ძალთა თანაფარდობა აქვს - 1:1. ძურიოს დივიზიონში მოასპარეზე კოკაის კი ახალგაზრდა ტაკარაფუჯი გაუწევს წინააღმდეგობას. ბუნებრივია, მას "შავი ზღვა" არასოდეს შეხვედრია.
მოგებით დაიწყო ბაშო დიდმა ჩემპიონმა ჰაკუჰომ, რომელმაც დოჰიოდან ყველაზე დაბალი რიკიში, ტოიონოშიმა მოისროლა. ოთხიდან ორი ოძეკი კი დამარცხდა - კაიო და ჰარუმაფუჯი.
I დღე
მაკუუჩი: ჰაკუჰო-ტოიონოშიმა (ოშიდაში), კოტოოშუ-კაკურიუ (უვატენაგე), გოეიდო-კაიო (ოშიდაში), ბარუტო-ჰომაშო (სუკუინაგე), ტოჩიოძანი-ჰარუმაფუჯი (ოშიტაოში), კოტოშოგიკუ-კიტატაიკი (იორიკირი), ამინიშიკი-კისენოსატო (ჰიკიოტოში), ტაკეკაძე-ოკინოუმი (ცუკიოტოში), ვაკანოსატო-არანი (სუკუინაგე), ტოჩინოშინი-ტამავაში (უვატენაგე), იოშიკაძე-კიოკუტენჰო (იორიკირი), ტოსაიუტაკა-შოტენრო (ჰიკიოტოში), ასასეკირიუ-ვაკაკოიუ (იორიკირი), ტოიოჰიბიკი-ტოჩინოვაკა (ოშიდაში), გაგამარუ-ტოკიტენკუ (ოშიტაოში), ტოჩინონადა-ტაკამისაკარი (სუკუინაგე), კაისეი-მიაბიამა (ოშიტაოში), კიმურაიამა-ტოკაიასუ (ცუკიოტოში); ძურიო: აკესეუმა-კოკაი (ოშიდაში).
II დღე
მნიშვნელოვანი ბრძოლები - მაკუუჩი: ჰაკუჰო (იოკოძუნა)-გოეიდო (მ 1), კაიო (ოძეკი)-ტოიონოშიმა (კომუსუბი), ბარუტო (ოძეკი)-კაკურიუ (კომუსუბი), ჰარუმაფუჯი (ოძეკი)-ჰომაშო (მ 3), კოტოოშუ (ოძეკი)-ტოჩიოძანი (მ 2), კისენოსატო (სეკივაკე)-კიტატაიკი (მ 3), კოტოშოგიკუ (სეკივაკე)-ამინიშიკი (მ 3), ტოჩინოშინი (მ 6)-იოშიკაძე (მ 7), გაგამარუ (მ 14)-ტაკამისაკარი (მ 15); ძურიო: კოკაი (ძ 6)-ტაკარაფუჯი (ძ 3).
