ამერიკის შეერთებული შტატების კონგრესი აპირებს მიიღოს სპეციალური კანონი, რომელიც გააძლიერებს ზეწოლას ბელარუსის ხელისუფლებასა და პრეზიდენტ ლუკაშენკოზე და აიძულებს მას გაანთავისუფლოს პოლიტპატიმრები. ამ ზეწოლაში შედის მოწოდება ჰოკეის საერთაშორისო ფედერაციისადმი - ამ უკანასკნელმა ჩამოართვას ბელარუსის დედაქალაქ მინსკს ჰოკეიში მსოფლიოს 2014 წლის ჩემპიონატის მასპინძლობის უფლება.
კონგრესში შეტანილი კანონი "ბელარუსში დემოკრატიისა და ადამიანის უფლებების შესახებ" შეიცავს გასული წლის 19 დეკემბერს მინსკში გამართული საპროტესტო აქიციის დროს დაკავებული მოქალაქეების განთავისუფლების მოთხოვნას. მაშინ მომიტინგეები აპროტესტებდნენ ბელარუსის პრეზიდენტის გაყალბებულ არჩევნებს.
ყოველდღიური სპორტული გაზეთი "ლელო"
