მხოლოდ ორი მატჩი გაიმართა გუშინ ჰოკეის ეროვნულ ლიგაში და ერთ-ერთი დიდ ინტერესს იწვევდა. ერთმანეთს ხვდებოდნენ დასავლეთის ლიდერები - "სენტ ლუისი" და "დეტროიტი"."სენტ ლუისი" კვლავაც კონფერენციაში და მთლიანად რეგულარულში ჩემპიონობისთვის იბრძვის. მაგრამ გუშინ "ბლუზმენებმა" ამ ბრძოლაში წაიფორხილეს, როცა თითქმის მოგებული მატჩი დათმეს შინ "რედ უინგზთან".
სირენამდე რვა წუთით ადრე "სენტ ლუისი" 2:0-ს იგებდა და ვერ შეინარჩუნა ეს უპირატესობა - "რედ უინგზმა" ორი ერთნაირი კომბინაცია გაითამაშა: ბერტუცისა და დაციუკის დაწყებულ საქმეს ფრანცენი ასრულებდა.
ოვერტაიმმა გამარჯვებული ვერ გამოავლინა, ბულიტების სერიაში კი ერთადერთი
"სენტ ლუისი" ორი ქულით ჩამორჩება დასავლეთისა და აღმოსავლეთის ლიდერებს - "ვანკუვერსა" და "რეინჯერსს". რეგულარულის დამთავრებამდე ამ გუნდებს ორ-ორი მატჩი აქვთ ჩასატარებელი.
* * *
უმოტივაციო გუნდები შეხვდნენ ერთმანეთს მონრეალში - ადგილობრივი "კანადიენსი" და "ტამპა ბეი" გამოემშვიდობნენ პლეი ოფში გასვლის შანსებს და, უბრალოდ, ცდილობენ მაჟორულ ნოტაზე დაასრულონ რეგულარული.
ამ მატჩის ერთ-ერთი ინტრიგა იყო "ტამპას" ფორვარდი სტივენ სტემკოსი, რომელსაც ორ შაიბა აკლია 60 გოლამდე. მაგრამ ამ დღეს სტემკოსი და მთლიანად "ტამპა" პასიური იყო - გუნდმა მხოლოდ 16 ზუსტი დარტყმა შეასრულა და აქედან ოთხი სტემკოსის ანგარიშზე იყო, რომელმაც საბოლოოდ უგოლოდ დატოვა მოედანი.
მოგების მიუხედავად, "მონრეალი" მაინც აღმოსავლეთის ბოლო გუნდია, "ტამპა" კი მე-11 ადგილზე იმყოფება.
მონრეალი-ტამპა ბეი 5:2
1:1, 2:0, 2:1
გოლები: 1:0 ემელინი-3 (დეშარნე-43, ბუდაი-3), 1:1 ლეკავალიე-22, 2:1 ე. კოული-33 (დეშარნე-44, პასიორეტი-31), 3:1 ე. კოული-34 (პლეკანეცი-35, მარკოვი-3), 3:2 ჟერვე-6 (უოლესი-6, ჰედმანი-17), 4:2 პასიორეტი-31 (გორჯესი-12, პლეკანეცი-36), 5:2 პასიორეტი-32 (სუბანი-29).
სტ. ლუისი-დეტროიტი 2:3 (ბ)
0:0, 0:0, 2:2, 0:0
გოლები: 1:0 პერონი-20, 2:0 ენდი მაკდონალდი-10, 2:1 ფრანცენი-27 (დაციუკი-47, ბერტუცი-23), 2:2 ფრანცენი-28 (დაციუკი-48, ბერტუცი-24).
ბულიტები გაიტანეს: ბერტუცი (დეტროიტი).
ყოველდღიური სპორტული გაზეთი "ლელო"
