<p>მომავალ შაბათ-კვირას ნიუ-იორკი მოხმალავე ქალთა მსოფლიოს თასის ეტაპს უმასპინძლებს, რომელშიც საქართველოდან ორი სპორტსმენი გამოვა <br> მომავალ შაბათ-კვირას ნიუ-იორკი მოხმალავე ქალთა მსოფლიოს თასის ეტაპს უმასპინძლებს. შეჯიბრებაში საქართველოდან ორი სპორტსმენი მიიღებს მონაწილეობას. ესენი არიან <strong>თეოდორა კახიანი</strong> და <strong>დარია ანტონოვა</strong>.</p><p>ამ უკანასკნელმა, რომელიც რუსეთის კადეტთა და ახალგაზრდული ნაკრები გუნდების შემადგენლობაში ევროპის ვერცხლისპრიზიორია, რამდენიმე თვის წინათ საქართველოს მოქალაქეობა მიიღო და ამჟამად <strong>მერაბ ბაზაძის</strong> ხელმძღვანელობით ვარჯიშობს.</p><p>კახიანი მე-4 წელიწადია, ამერიკაში იმყოფება - პენს სტეიტის (ფილადელფიის შტატი) უნივერსიტეტში სწავლობს და ფარიკაობაშიც იქვე იმაღლებს ოსტატობას. იგი ხმალში საქართველოს მრავალგზის ჩემპიონი და პრიზიორია. უნივერსიტეტის სახელით არაერთხელ იასპარეზა როგორც შტატის, ისე აშშ-ის სტუდენტურ შეჯიბრებებში. იქაურ უნივერსიადებში რამდენჯერმე დაიკავა პირველი-მესამე ადგილები.</p><p>- 12 წელიწადია, ფარიკაობაში ვვარჯიშობ, - გვითხრა თეოდორა კახიანმა. - თავიდან მე და ჩემმა და სოფიომ თამაზ კაკულიასთან დავიწყეთ მეცადინეობა, სხვებიც გვიწევდნენ კონსულტაციებს. რაც ამერიკაში ვარ, ვეს გლონი მავარჯიშებს. მისი ხელმძღვანელობით არაერთ წარმატებას მივაღწიე ამერიკის უნივერსიტეტების პირველობებზე. ჩემთვის განსაკუთრებით მნიშვნელოვანი ის არის, რომ შარშან გაზაფხულზე ზედიზედ მესამედ მოვიგე ამერიკის ეროვნული უნივერსიტეტების სპორტის ასოციაციის ჩემპიონატი All American, რომელშიც ქვეყნის უმაღლესი უნივერსიტეტების საუკეთესო სტუდენტი მოხმალავეები იბრძვიან მთავარი პრიზისთვის.</p><p>შემდეგ კიდევ ორ ტურნირში მივაღწიე წარმატებას და მთელი წლის მონაგარი ეს იყო, რადგან ერთ-ერთ შეჯიბრებაზე ფეხი გავიბზარე. ტრავმამ ძალიან შემიშალა ხელი, მაგრამ წლის მიწურულიდან მთელი დატვირთვით ვვარჯიშობ.</p><p>ახლა უნივერსიტეტში სწავლის ბოლო წელი მაქვს დარჩენილი და ძალიან მინდა, მარტში მეოთხედ მოვიგო All American-ი. საამისოდ არაფერს დავიშურებ.</p><p><strong>- მანამდე ხომ სხვა შეჯიბრებებიც გექნებათ, თუნდაც 28-29 იანვარს ნიუ-იორკში მსოფლიოს თასის ეტაპი. ამ ტურნირში ანტონოვასთან ერთად მოსინჯავთ ძალებს...</strong></p><p>- დიდი ხანია, საქართველოს სახელით არ მიასპარეზია, ამიტომ ძალიან მომენატრა ჩვენი ქვეყნის ხუთჯვრიანი დროშის ქვეშ გამოსვლა. მოუთმენლად ველოდები მომავალ უქმეებს.</p><p>რაც შეეხება დარია ანტონოვას, კადეტთა ტურნირებიდან ვიცნობ. ხშირად გვიასპარეზია ერთად. მაშინ ძლიერი მოხმალავე იყო, რუსეთის ახალგაზრდული ნაკრების გამორჩეული წევრი. ოთხ წელიწადზე მეტია, არ მინახავს და არ ვიცი, ახლა როგორ ფარიკაობს, მაგრამ, რადგანაც მერაბ ბაზაძემ გადმოიბირა, ეტყობა, უწინდებურად ძლიერია.</p><p>მიხარია, რომ საქართველოს ნაკრებში ერთად მოგვიწევს გამოსვლა. ვეცდებით, გულშემატკივართა იმედები გავამართლოთ.</p><p><strong>- მსოფლიოს თასების გარდა, წინ უფრო მნიშვნელოვანი შეჯიბრებაა - მოფარიკავეთა ევროპის ჩემპიონატი, რომელსაც ივნისში თბილისი უმასპინძლებს...</strong></p><p>- სასიამოვნოა, რომ ჩვენი ქვეყნის დედაქალაქში ასეთი ტურნირი გაიმართება - ეს ქართული ფარიკაობის ტრადიციების დაფასებაა, ამიტომ ამ შეჯიბრებაზე გამოსვლა პატივიცაა და უდიდესი პასუხისმგებლობაც. ისიც შევიტყვე, პირადის გარდა, მოხმალავეები გუნდურშიც გამოვალთ. მე და დარიას ლიკა ჯიჯიეიშვილი შემოგვიერთდება. ლიკა ახალგაზრდაა, მაგრამ თანატოლებში ფარიკაობის კარგი გამოცდილება აქვს.</p><p>ამიტომ მგონია, რომ ევროპის ჩემპიონატისთვის ქალთა კარგი ნაკრები გვეყოლება, ვეცდებით, ხმალაობაში ვაჟებს არ ჩამოვრჩეთ. თბილისურ ორთაბრძოლებამდე ჯერ კიდევ დროა და ერთად გამოსვლის საშეჯიბრო გამოცდილებასაც შევიძენთ.</p><p>ახლა მთელი ყურადღება ნიუ- იორკის მსოფლიოს თასზე მაქვს გადატანილი, მერე კი All American-ისთვის მოვემზადები.</p><p><strong>ყოველდღიური სპორტული გაზეთი "ლელო"</strong></p>
გიალო
სპორტს ფარიკაობა ფქვია თუ ხმალაობა? თუ იმაზეა დამოკიდებული სელჩუკები შემოგვესევიან თუ არა?
"საქართველოში ტაქსის მძღოლები მეუბნებოდნენ, ეს ყოველივე სამარცხვინოაო!" - უკრაინელი მოფარიკავე თბილისში გატარებულ პერიოდს იხსენებს
"ეს მსოფლიო სპორტული საზოგადოების სახეში დარტყმაა!" - სავარაუდოდ, თბილისში სანქცირებული რუსი მოფარიკავეები ჩამოდიან, ამ ამბავს უკრაინელთა დიდი პროტესტი მოჰყვა
სანდრო ბაზაძე მადრიდის მსოფლიო თასის გამარჯვებულია
პსჟ ჩემპიონთა ლიგის მთავარი ფავორიტია
19-წლამდელები საბერძნეთს უმასპინძლებენ - შემადგნელობა და მატჩების განრიგი
მიქაუტაძე პრემიერლიგის კლუბს შეუთანხმდა - მისი სასწრაფოდ შეძენა ემერიმ მოითხოვა
"ბენფიკასთან" მარცხის არ აპატიეს - მოურინიო გაათავისუფლეს
ნკუნკუს შემდეგ აკანჯიც? - "მილანი" ტრანსფერის განხორციელებას გეგმავს
"NBA-ის ჩემპიონებს, მსოფლიო ჩემპიონებს არ უნდა ვუწოდებდეთ, მათ ევროლიგის ბევრი გუნდი დაამარცხებდა" - თურქეთის ნაკრებისა და "პანათინაიკოსის" მწვრთნელი
"ხელმძღვანელობა ნდობას უცხადებს" - "იუნაიტედი" უახლოეს პერიოდში ამორიმს არ დაითხოვს
სიმონსი კარიერას არა "ჩელსიში", არამედ "ტოტენჰემში გააგრძელებს
"ბეშიქთაშმა" სულშერი გაათავისუფლა
"ნიუკასლმა" ვოლტემადე 90 მილიონად შეიძინა - ისაკს გზა გაეხსნა?
კაშია, მექვაბიშვილი, აზაროვი და სიგუა კონფერენს ლიგაზე ითამაშებენ
იანისის ლიდერობით - საბერძნეთმა იტალია დაძაბულ ბრძოლაში დაამარცხა
Geo Team: "ბაიერნის" ფეხბურთელს საქართველოს 19-წლამდე ნაკრებში უხმეს
არასასიამოვნო ამბავი - დავითაშვილმა შეიძლება "გრენობლთან" ვერ ითამაშოს
"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია
[VIDEO] არიის - საქართველოს ნაკრებმა ევროპის მოქმედი ჩემპიონი 14 ქულით დაამარცხა!
ჯეიმი ვარდი კარიერას სერია A-ში გააგრძელებს
"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო
2020 წლის ევროპის ჩემპიონმა საფეხბურთო კარიერა დაასრულა
პსჟ გამოცდილი მცველის გასხვისებას აპირებს
მსოფლიოს ჩემპიონატი ფარიკაობაში: ლაიპციგში მსოფლიოსთან ერთად
მერაბ ბაზაძე ისრაელში არალეგალურად დარჩენილ ქართველებზე: პირადად არ ვიცნობდი მაგ ხალხს, გვარებიც არ ვიცი
ქართველმა მოფარიკავეებმა მსოფლიოს ჩემპიონატზე გუნდურში მე-7 ადგილი დაიკავეს
მსოფლიო ჩემპიონატი: ქართველი მოფარიკავეები ძირითად ბადეში იასპარეზებენ
ქართველების ოქრო-ვერცხლი 23 წლამდე მოფარიკავეთა ევროპის ჩემპიონატზე
მერაბ ბაზაძე: მსაჯის შეცდომის გამო ვერ მოვხვდით ოთხეულში
ევროპის ჩემპიონატი: ქართველმა ქალმა მოფარიკავეებმა ჯგუფი დაძლიეს
ევროპის ჩემპიონატი. ფარიკაობა: მედლები ვერც ქართველმა ქალებმა მოიპოვეს
რას მიაღწიეს ჩვენებმა? - ქართველი მოფარიკავეებისთვის მსოფლიოს ჩემპიონატი დასრულდა
მომივიდა წინადადება საქართველოს ნაკრებიდან და... - ექსკლუზიური ინტერვიუ მაია გუჩმაზოვასთან [PHOTO]
საქართველოს ფარიკაობის ფედერაციის პრეზიდენტად მერაბ ბაზაძე აირჩიეს
თბილისი მოფარიკავეთა ევროპის 2017 წლის ჩემპიონატს მასპინძლობს
ქართველი მოფარიკავეები ევროპის ჩემპიონატზე დიდი მიზნებით მიემგზავრებიან
U23. ევროპის ჩემპიონატი: ქართულმა ხმალმა ბელორუსში გაჭრა
მსოფლიოს ჩემპიონატი: ქართველი მოფარიკავეების მნიშვნელოვანი დღე
ფარიკაობა. ევროპის ჩემპიონატი: თეოდორა კახიანის ისტორიული ოქრო
2 ქართველი მოფარიკავე ქალი ახალ რეიტინგში დაწინაურდა
მინიმუმ 2 ოქროს უნდა ველოდოთ - საქართველოს მოფარიკავეთა ნაკრების შემადგენლობა ევროპის ჩემპიონატისთვის ცნობილია
მიზანი ბუდაპეშტში გამარჯვება და ტოკიოში გამგზავრებაა - ქართველმა მოფარიკავეებმა მსოფლიო ჩემპიონატზე ისაუბრეს