[დღის თემა] აწეული ცხვირების ჩრდილები...

"მათ შეუძლიათ ითამაშონ ოდნავ უკეთესად ან ოდნავ უარესად, მაგრამ საკუთარ თავზე მაღლა, დიდი ალბათობით, ვერასოდეს ახტებიან" საქართველოს გადახალისებულმა თუ ექსპერიმენტულმა ნაკრებმა დუბაის შეკრებაზე ფრედ (2:2) ითამაშა უზბეკეთთან და წააგო (0:1) იორდანიასთან.<a href="/fexburti/qarthuli-fekhburthi/erovnuli-nakrebi/100586-iordania-saqarthvelo-10-vin-aris-pasukhismgebeli-videophoto.html" target="_blank">- იორდანია-საქართველო 1:0 - ვინ არის პასუხისმგებელი? [VIDEO+PHOTO]</a><a href="/fexburti/qarthuli-fekhburthi/erovnuli-nakrebi/100487-saqarthvelo-uzbekethi-22-shorsmimavali-daskvnebis-gareshe-videophoto.html" target="_blank">- საქართველო-უზბეკეთი 2:2 - შორსმიმავალი დასკვნების გარეშე [VIDEO+PHOTO]</a>ეს არ იყო პირველი მარცხი, რომელიც არასაფეხბურთო ქვეყნის გუნდთან განვიცადეთ, მაგრამ, როგორც წინა შემთხვევებში, ვერც ამჯერად გავჩუმდებით, რაკი საქმე ქვეყნის საფეხბურთო პრესტიჟს ეხება...<div style="text-align: center;">მწვრთნელობა, როგორც პროფესია...</div> სანამ ამ წერილის წერას დავიწყებდი, ვლადიმირ ვაისის კომენტარი წავიკითხე. ის ამბობს, რომ დუბაის შეკრებით კმაყოფილია.<a href="/fexburti/qarthuli-fekhburthi/erovnuli-nakrebi/100574-vaisi-bitcebis-thamashith-kmayofili-var-math-sheasrules-mathi-valdebulebebi.html" target="_blank">- ვაისი: ბიჭების თამაშით კმაყოფილი ვარ, მათ შეასრულეს მათი ვალდებულებები</a>მწვრთნელის მესმის - თუნდაც ორი-სამი ფეხბურთელი რომ დაუმატოს ამ შეკრებამ საქართველოს მთავარ გუნდს, მიზანს მიღწეულად ჩავთვლით.სამაგიეროდ, ვიდრე იორდანიული "ლაივსტრიმი" ჩაფლავდებოდა, ვნახე მატჩის პირველი 30 წუთი იორდანიასთან მატჩისა. ეს დრო არ არის საკმარისი იმისთვის, რომ სრული შთაბეჭდილება შეიქმნა თამაშზე, მაგრამ მაქვს "გონივრული ეჭვი", რომ ჩვენს ფეხბურთელებს მთები არც ამის შემდეგ გადაუბრუნებიათ, თორემ აუცილებლად შევიტყობდით...ვაისი არ არის ახალი კაცი ფეხბურთში. მას გუნდი დაუმოძღვრავს მსოფლიოს ჩემპიონატზეც კი და შეუძლებელია, კმაყოფილი იყოს იორდანიის ნაკრებთან მარცხით. უბრალოდ, მწვრთნელობა ძალიან სპეციფიკური პროფესიაა და ნებისმიერი საკითხისადმი სათუთ მიდგომას მოითხოვს. ყველაფერი არ ითქმება. ეს სულ სხვა თემაა და ამით ამოვწუროთ.გადავიდეთ თემაზე, რომელიც ჩვენი გაზეთის წინა ნომერში დავაანონსეთ...<div style="text-align: center;">უსაგნო ამბიციების ტყვეობაში</div> ქართულ ფეხბურთში დღეს იმდენი პრობლემაა, ჩასაფრებული კაცის პოზიცია სულაც არ გჭირდება საიმისოდ, რომ ყოველდღე ნეგატივზე წერო, მაგრამ ძნელია - ძნელი და მოსაწყენი. და მაინც, დგება დრო, როცა სათქმელი უნდა ითქვას და თუ შენ მას არ ამბობ, თავად უწყობ ხელს რეგრესს.მე ასე მგონია: თუნდაც საქართველოს ჩემპიონატში მონაწილე ფეხბურთელებით დაკომპლექტებული ნაკრები იორდანიასთან არ უნდა აგებდეს. დარწმუნებული ვარ, საქართველოს ნაკრების ფეხბურთელები იორდანიელთა გვარ-სახელებს რომ გაიგებდნენ, გულის სიღრმეში მაინც გაიფიქრებდნენ - ესენი ვინ არიან?! ამათ რა ფეხბურთი უნდა ითამაშონ?! გავალთ მინდორზე და აუცილებლად მოვუგებთო!ძალიან არ მინდა ამის დაწერა, მაგრამ ფაქტია და ვერსად გავექცევით: დუბაიში გამართულმა შეხვედრამ დაამტკიცა, რომ ამ ეტაპზე მაინც იორდანიის ჩემპიონატი უკეთესია საქართველოსაზე. კი, ეს იყო ერთი მატჩი, ერთეული შემთხვევა, მაგრამ სხვა რით ვიმსჯელოთ?იორდანიის ნაკრები თითქმის მთლიანად შინაურ ჩემპიონატში მოასპარეზე ფეხბურთელებითაა დაკომპლექტებული, ევროპაში ხომ საერთოდ არ თამაშობენ. ერთადერთი ლეგიონერი ჰყავდათ და ისიც - აზიაში დაბრუნდა.და რას წარმოადგენს იორდანიის ჩემპიონატი? ის აზიაში მოწინავე სულაც არ არის. ჩვენ კი გვწყინს, როცა ჩვენი ფეხბურთელები არასაფეხბურთო ქვეყნებში მიდიან სათამაშოდ, ოღონდ, საქართველოს გაეცალონ.ამ ბოლო დრომდე შინაგანად ძალიან წინააღმდეგი ვიყავი ამ ტრანსფერებისა, მაგრამ ახლა მათიც მესმის. ჯერ ერთი, ჩვენს პირველობაზე უკეთესობისკენ არაფერი იცვლება და მეორეც - ვის სჭირდებიან ჩვენი ფეხბურთელები?თუ რომელიმე ფეხბურთელია ტკბილი სატრანსფერო ლუკმა საქართველოს ჩემპიონატში, აგერ, დუბაიში იყო და იქაც კი იორდანიამ გვაჯობა. შორს ვარ იმ აზრისგან, რომ ყველა ერთ ქვაბში მოვხარშო და ისიც ვიცი, რომ ინდივიდუალურად შეიძლება ერთი სჯობდეს სხვას ფეხბურთელებში, მაგრამ უცხოური კლუბები, პერსონალური სტატისტიკის გარდა, ძალიან ხშირად ყურადღებას ზოგად მონაცემებსაც აქცევენ. და ვის სჭირდება იმ ნაკრების ფეხბურთელი, რომელიც იორდანიასთან აგებს?დუბაის შეკრებას ერთი კარგი, ძალიან კარგი საქმის გაკეთება შეუძლია: მან უნდა დაარწმუნოს ჩვენი ფეხბურთელები, რომ ისინი არავისზე მეტნი არ არიან; რომ მათ ასმაგად უნდა იშრომონ და სანამ ამ რთულ პროცესს დაიწყებენ, უნდა გამოვიდნენ თავიანთი აწეული ცხვირების ჩრდილებიდან. სხვანაირად არაფერი გამოვა.<div style="text-align: center;">რა გვითხრა დუბაიმ?</div> ზემოთაც დავწერეთ - დუბაიში იყო საქართველოს ჩემპიონატის ნაღები და ამ მატჩებით შეიძლება ზოგადი მსჯელობა იმაზე, თუ რა ძალისა და გაქანების პირველობა გვაქვს დღეს, რა დონეზე შეუძლიათ ჩვენს ფეხბურთელებს თამაში.ჩვენი ფეხბურთელებისგან დღეს ხშირად გაიგონებთ - საქართველოში პირობები არ არის, არც მოტივაციაა და ამიტომ ვერ ვაჩვენებთ იმ თამაშს, რასაც ჩვენგან გულშემატკივარი ელისო. აგერ, ბატონო, ბურთი და აგერ, მოედანი! დუბაიში იყო ყველაფერი, რაც საჭიროა ფეხბურთის სათამაშოდ. იყო კარგი პირობები, კარგი მინდორი. იყო დიდი მოტივაცია და სხვანაირად ვერ იქნებოდა, რადგან შენ ყველაზე ამაყი და მოტივირებული ხარ, როცა საქართველოს ნაკრების მაისურა გაცვია.ეს ყველაფერი იყო და ჩვენ მივიღეთ იორდანიასთან მარცხი. ერთხელაც დავრწმუნდით, რომ ამ ფეხბურთელების შესაძლებლობები მკაცრადაა შემოსაზღვრული. მათ შეუძლიათ ითამაშონ ოდნავ უკეთესად ან ოდნავ უარესად, მაგრამ საკუთარ თავზე მაღლა, დიდი ალბათობით, ვერასოდეს ახტებიან.აქედან გამოდის დასკვნაც, რომელიც ამერიკის აღმოჩენის ტოლფასი არავისთვის უნდა იყოს: "შოკური თერაპიით" ჩვენი ჩემპიონატის სათამაშო დონის მნიშვნელოვნად ამაღლება შეუძლებელია. შეუძლებელია, რადგან ყველაფერს კადრები წყვეტენ და რიგითი ფეხბურთელი, თუნდაც ოქროს მთები დაუდგი, ვერასოდეს გახდება ლიონელ მესი ან კრიშტიანო რონალდო.<div style="text-align: center;">ბოსტნებისთვის არ გვემეტება, მაგრამ...</div> რაც იორდანიასთან მარცხის შემდეგ ნიჰილისტური კომენტარები წავიკითხე, ალბათ მთელი ცხოვრების მანძილზე არ წამიკითხავს. არის ხალხის კატეგორია, პირდაპირ რომ მოითხოვს ჩვენში სტადიონების გაუქმებას და იმ ფართობზე ბოსტნების გაშენებას.სულო ცოდვილო, დღეს საქართველოში ისე ცოტა სტადიონია, ალბათ ხეირიანი ბოსტნებიც არ დაეტევა ზედ, მაგრამ მეორე მხრივ, ხალხი გამწარებულია და ეს არავის უნდა უკვირდეს. ქომაგებს ყელში ამოუვიდათ ქართული ფეხბურთი, რომელიც სიხარულის ნაცვლად მათ მწუხარებას "ჩუქნის".სიტუაციას ამძაფრებს ისიც, რომ დღეს ჩვენი საკლუბო ფეხბურთი მთლიანადაა ჩამოკიდებული სახელმწიფოზე. მოკლედ რომ ვთქვათ, ჩვენს გუნდებში მოთამაშე ფეხბურთელები ხელფასს ძირითადად ჩვენი ჯიბეებიდან იღებენ.თუ ჩემი, რიგითი მოქალაქის პოზიცია გაინტერესებთ, აქვე დავწერ: თუნდაც უკეთესი ხვალინდელი დღის იმედით, მე დღეს, შეიძლება, არ მქონდეს ბევრი პრეტენზია და ვითმინო, მაგრამ რა ვუყოთ იმ ხალხს, ვინც სხვანაირად ფიქრობს? არადა, მე რომ ვატყობ, მათი არგუმენტები მეტად წონადი იქნება, ვიდრე, ვთქვათ, ჩემი.ერთმა გულშემატკივარმა დამირეკა და პირდაპირ მითხრა: რატომ უნდა ვუხადო ჩემი ფული იმ ფეხბურთელებს, იორდანიასთან რომ აგებენო?! ვუთხარი, ეს ხომ ნაკრებია-მეთქი და მაგრად გავაბრაზე. ნაკრები, თორემ ევროთასებზე ხომ სულ პლეი ოფის სტადიაზე ვართო!..ფაქტია, დღეს დიდი უფსკრულია ქართველ ფეხბურთელსა და ქართველ გულშემატკივარს შორის...<div style="text-align: center;">როგორც ცალკე კასტა</div> ძალიან სამწუხაროა, მაგრამ დღეს ჩვენი ფეხბურთელები ცალკე კასტასავით ჩამოყალიბდნენ. მათგან ხშირად გაიგონებთ:"სამი ათასი რა ხელფასია, ძმაო. მე ოჯახი მყავს, მილიონი მჭირდება. აბა, რა უნდა ვქნა ამ ფულით? საქართველოდან გაქცევაზე ვარო"!..სხვის ჯიბეში ფულის თვლა ყველაზე დიდ უზნეობად მიმაჩნია, მაგრამ... შვილო, ძმაო, მეგობარო... დღეს ჩვენს, ძალიან სასტიკ რეალობაში ბევრი პროფესორი გროშებად ყიდის ძველ და ძალიან ძვირფას წიგნებს, ბევრი ჯერაც ნაგავში იქექება და... მე არ მგონია, რომ თქვენ იმ ხალხზე დიდი და უკეთესი პროფესიონალები იყოთ საკუთარი საქმისა.ეს უფსკრული როგორმე უნდა ამოივსოს და ამის საუკეთესო გზა საკუთარი აწეული ცხვირების ჩრდილებიდან გამოსვლაა...(იბეჭდება მცირე ცვლილებით)ყოველდღიური სპორტული გაზეთი "ლელო"

"უბრალოდ, საქართველოს ნაკრების ამ მატჩს შეხედეთ" - მილევსკიმ ერთა ლიგაზე უკრაინის ნაკრების შანსები შეაფასა

"ქართველებს კვარაცხელიას გარდა არავინ ჰყავთ" - უკრაინელი ექსპერტი საქართველოს ნაკრებზე

საბო: საქართველოს დამარცხება შეიძლება - პუტინის მარიონეტ ორბანის უნგრეთთან ჩეხვა იქნება

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

[VIDEO] კვარაცხელია 25 წლის გახდა - პსჟ-მ ქართველს იუბილე მიულოცა

ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ

ერთა ლიგაზე საქართველოს ნაკრების მეტოქეები გაირკვა

უკრაინელთა მწვრთნელი: სამწუხაროდ, ისევ საქართველოსთან ვითამაშებთ

სანიოლი: ნებისმიერი შანსი, რომელიც დიდ ტურნირთან დაგვაახლოვებს, უნდა გამოვიყენოთ

დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..

[VIDEO] ვაისი მსაჯს შეუვარდა, შეაგინა და მოედნიდან ძლივს გაიყვანეს - "სლოვანს" 16 წლის თავდამსხმელმა გაუტანა

"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ

Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია

ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...